Gbogbo Islam Library

(Allāhu) fi sánmọ̀ àti Tọ̄riƙ búra.

Kí sì ni ó mú ọ mọ ohun tó ń jẹ́ Tọ̄riƙ?

Ìràwọ̀ tí ìmọ́lẹ̀ rẹ̀ ń tàn ròrò (ní alẹ́ ni).

Kò sí ẹ̀mí kan àfi kí ẹ̀ṣọ́ kan wà fún un (nínú àwọn mọlāika).

Nítorí náà, kí ènìyàn wòye sí ohun tí A fi ṣẹ̀dá rẹ̀.

Wọ́n ṣẹ̀dá rẹ̀ láti inú omi tó ń tú jáde kọ̀ọ́kọ̀ọ́.

Ó ń jáde láti ààrin ìbàdí ọkùnrin àti àwọn ẹfọ́nhà igbá-àyà obìnrin.

Dájúdájú Allāhu ni Alágbára lóri ìdápadà rẹ̀

ní ọjọ́ tí wọ́n máa ṣe àyẹ̀wò àwọn (iṣẹ́) àṣepamọ́.

Nígbà náà, kò níí sí agbára tàbí alárànṣe kan fún un.

Allāhu fi sánmọ̀ tó ń rọ òjò ní ọdọọdún búra.

Ó tún fi ilẹ̀ tó ń sán kànkàn (fún híhùjáde èso) búra.

Dájúdájú al-Ƙur’ān ni ọ̀rọ̀-ìpínyà (láààrin òdodo àti irọ́).

Kì í sì ṣe àwàdà.

Dájúdájú wọ́n ń déte gan-an.

Èmi náà sì ń déte gan-an.1

Nítorí náà, lọ́ra fún àwọn aláìgbàgbọ́. Lọ́ wọn lára sẹ́ fún ìgbà díẹ̀.