99 - The Earthquake - Az-Zalzalah

ಭೂಮಿಯು ತನ್ನ ಉಗ್ರ ಕಂಪನದೊಂದಿಗೆ ಕಂಪಿಸಲ್ಪಟ್ಟರೆ,

(ಆಗ) ಭೂಮಿ ತನ್ನ ಒಡಲಲ್ಲಿರುವ ಹೊರೆಗಳನ್ನು ಹೊರ ಹಾಕಿದರೆ,

(ಆಗ) ಮನುಷ್ಯನು ಹೇಳುವನು ‘ಭೂಮಿಗೆ ಏನು ಸಂಭವಿಸಿದೆ?

ಅಂದು ಭೂಮಿಯು ತನ್ನ ವೃತ್ತಾಂತವನ್ನು ವಿವರಿಸುವುದು.

ಏಕೆಂದರೆ ತಮ್ಮ ಪಾಲಕನಾದ ಅಲ್ಲಾಹು ಅದಕ್ಕೆ ಹಾಗೆ ಆದೇಶ ಕೊಟ್ಟಿರುವನು.

ಅಂದು ಅವರವರ ಕರ್ಮಗಳ ಪ್ರತಿಫಲವನ್ನು ಕಾಣಲಿಕ್ಕಾಗಿ ಜನರು ಬೇರೆ ಬೇರೆಯಾಗಿ ತೆರಳುವರು.

ಯಾರು ಅಣುಗಾತ್ರದಷ್ಟು ಒಳಿತನ್ನು ಮಾಡುತ್ತಾನೋ, ಅವನು ಅದರ ಫಲವನ್ನು ಕಾಣುವನು.

ಯಾರು ಅಣುಗಾತ್ರದಷ್ಟು ಕೆಡುಕನ್ನು ಮಾಡುತ್ತಾನೋ, ಅವನು ಅದರ ಫಲವನ್ನು ಕಾಣುವನು.