96 - The Clot - Al-`Alaq

ಸೃಷ್ಟಿಸಿದ ನಿಮ್ಮ ಪ್ರಭುವಿನ ನಾಮದೊಂದಿಗೆ ಓದಿರಿ.

ಮನುಷ್ಯನನ್ನು ಅವನು ರಕ್ತ ಪಿಂಡದಿಂದ ಸೃಷ್ಟಿಸಿರುವನು.

ಓದಿರಿ, ತಮ್ಮ ಪಾಲಕ ಪ್ರಭು ಅತ್ಯಂತ ಉದಾರಿಯಾಗಿರುವನು.

ಲೇಖನಿಯ ಮೂಲಕ ಕಲಿಸಿಕೊಟ್ಟವನು.

ಮನುಷ್ಯನಿಗೆ ತಿಳಿದಿರದ ಕಾರ್ಯಗಳನ್ನು ಅವನು ಕಲಿಸಿಕೊಟ್ಟಿರುವನು .

ಖಂಡಿತ ಮನುಷ್ಯನು ದ್ರೋಹವೆಸಗುತ್ತಾನೆ .

ಅವನು ತನ್ನನ್ನು ಆರ್ಥಿಕ ಸ್ವಾವಲಂಬಿ ಎಂದು ತಿಳಿದುಕೊಂಡಿರುವುದರಿಂದ !

ನಿನ್ನ ಪ್ರಭುವಿನ ಬಳಿಗಾಗಿದೆ ನಿನ್ನ ಮರಳುವಿಕೆ.

ತಡೆಯುವ ಒಬ್ಬ ವ್ಯಕ್ತಿಯನ್ನು ಕಂಡೆಯಾ?

ಒಬ್ಬ ದಾಸನನ್ನು, ಅವನು ನಮಾಝ್ ಮಾಡುವಾಗ!

ಕಂಡೆಯಾ! ಆ ದಾಸನು ಸನ್ಮಾರ್ಗದಲ್ಲಾಗಿದ್ದರೆ,

ಅಥವಾ ಅವನು ದೇವಭಕ್ತಿಯ ಆದೇಶ ನೀಡುತ್ತಿದ್ದರೆ, (ತಡೆದವನ ಗತಿಯೇನು?)

ಕಂಡೆಯಾ? ಆತ (ಆ ದಾಸನನ್ನು) ಸುಳ್ಳಾಗಿಸಿದರೆ ಮತ್ತು ಸತ್ಯವಿಶ್ವಾಸದಿಂದ ವಿಮುಖನಾದರೆ,

ಅಲ್ಲಾಹು ಅವನನ್ನು ಕಾಣುತ್ತಿದ್ದಾನೆ ಎಂಬುದನ್ನು ಅವನು ಅರಿತಿಲ್ಲವೆ?

ಖಂಡಿತ ಬೇಡ, ಆತ (ಅಬೂಜಹಲ್) ತನ್ನ ಈ ದುಷ್ಕøತ್ಯವನ್ನು ಕೊನೆಗೊಳಿಸದಿದ್ದರೆ ನಾವು ಆತನ ಜುಟ್ಟನ್ನು ಹಿಡಿದು ನರಕಕ್ಕೆ ತಳ್ಳುತ್ತೇವೆ.

ಆ ಜುಟ್ಟುಗಾರನು ಸುಳ್ಳುಗಾರನೂ ಅಪರಾಧಿಯೂ ಆಗಿರುವನು.

ಅವನು ತನ್ನ ಬಳಗದವರನ್ನು ಕರೆದುಕೊಳ್ಳಲಿ.

(ಅದಕ್ಕೆ ಪ್ರತಿಯಾಗಿ) ನಾವು ಕಠಿಣ ದಂಡಕ ದೇವಚರರನ್ನು ಕರೆದುಕೊಳ್ಳುವೆವು.

ಬೇಡ! ತಾವು ಆ ಜುಟ್ಟುಗಾರನನ್ನು ಅನುಸರಿಸ ಬೇಡಿರಿ. ಬದಲು (ಅಲ್ಲಾಹನಿಗೆ) ಸಾಷ್ಟಾಂಗವೆರಗಿರಿ ಹಾಗೂ ಸಾಮಿಪ್ಯವನ್ನು ಪಡೆಯಿರಿ.