१) ती घोडाहरूको कसम जो तीव्र गतिले हाफ्दै दगुर्छन् ।

२) अनि ढुङ्गामा नालको ठक्करबाट झिल्काहरू निकाल्नेवालाहरूको कसम ।

३) अनि प्रातःको समय धावा बोल्नेहरूको कसम ।

४) अनि जो त्यस समयमा धूलकणहरू उडाउँदछन् ।

५) अनि त्यसबखत सेनाहरूभित्र पसी दिन्छन् ।

६) निःसन्देह मानिस आफ्नो पालनकर्ताको बडो अकृतज्ञ छ ।

७) र निश्चय नै ऊ स्वयम् पनि यस ऊपर साक्षी छ ।

८) त्यो धनको मोहमा बडो दृढ छ ।

९) के त्यसले त्यस समयलाई जान्दैन जब चिहानमा जे छन्, उनीहरू बाहिर निकालिनेछन् ।

१०) र जुन (रहस्य) हृदयहरूमा छन्, ती प्रकट गरिनेछन् ।

११) निःसन्देह उनको पालनकर्ताले त्यसदिन उनको अवस्थासँग राम्ररी परिचित हुनेछ ।