85 - The Mansions of the Stars - Al-Burūj

Шоқжұлдызды аспанмен ант етемін,

және уәде етілген Күнмен.

Куәлік берушімен және куәлік берілгенмен ант етемін.

Жойылып кетсін ордың иелері,

ішінде отыны бар отты / ордың / .

Сол кезде олар оның / ордың / маңында отырған еді,

имандыларға / мүміндерге / не істегендеріне өздері куә болып.

Ал, олар бұларға / мұсылмандарға / тек бәріненҮстем, аса Мақтаулы Аллаһқа сенгендіктері үшін ғана өшікті.

Ол / Аллаһ / сондай, аспандардың және жердің иелігі - Онікі. Әрі Аллаһ барлық нәрсенің үстінен Куә / Шаһид / .

Ақиқатында, иманды / мүмін / ерлер мен иманды әйелдерді сынаққа салып / азаптап / , кейін істеген күнәларына шынайы өкініп, Аллаһқа бойсұнуға қайтпағандарға / тәубе қылмағандарға / - міне, соларға Жаһаннамның азабы әрі Оларға өртеуші оттың азабы бар.

Анығында, иманға келген және ізгі амал істегендерге астынан өзендер ағып жататын / Жәннаттағы / бақтар бар. Бұл - үлкен жетістік.

Шын мәнінде, Раббыңның қолға алуы - өте қатты.

Ақиқатында, Ол бастайды / бастапқыда жаратып / әрі қайталайды.

Әрі Ол - өте Кешірімді, аса жақсы көруші,

Аршының Иесі, аса дәріптеліп Мақтаулы,

қалаған нәрсесін әрқашан Жасаушы.

/ Ей, Мұхаммед! / саған әскерлердің хабары келді ме?

Фиръаун және Сәмүдтықтардың?

Бірақ, кәпірлер өтірікке шығаруда.

Ал, Аллаһ оларды сыртынан / алды-артынан / орап, қамтып тұрушы.

Сөзсіз, ол - ұлы Құран,

Ләухул-Махфузда.