104 - The Traducer - Al-Humazah

అపనిందలు మోపే, చాడీలు చెప్పే ప్రతి ఒక్కడికీ వినాశం తప్పదు.

ఎవడైతే ధనాన్ని కూడబెట్టి, మాటి మాటికి దాన్ని లెక్కబెడుతూ ఉంటాడో!

తన ధనం, తనను శాశ్వతంగా ఉంచుతుందని అతడు భావిస్తున్నాడు!

ఎంత మాత్రం కాదు! అతడు (రాబోయే జీవితంలో) తప్పకుండా అణగ ద్రొక్కబడే నరకాగ్నిలో వేయబడతాడు.

ఆ (అణగద్రొక్కబడే) నరకాగ్ని అంటే ఏమిటో నీకు తెలుసా?

అల్లాహ్, తీవ్రంగా ప్రజ్వలింపజేసిన అగ్ని;

అది గుండెల దాకా చేరుకుంటుంది.

నిశ్చయంగా, అది వారి మీద క్రమ్ముకొంటుంది.

పొడుగాటి (అగ్ని) స్థంభాల వలే!