104 - The Traducer - Al-Humazah

Әрбір айып таққышқа, балағаттаушыға қасірет бар\

Сондай мал-дүние жиып, оны санаушыға.

Ол байлығы, өзін мәңгі қалдырады деп ойлайды.

Жоқ, олай емес! Ол міндетті түрде Хутамаға тасталынады.

«Хутаманың» не екенін саған не білдірді?

Ол - Аллаһтың жандырылған оты,

сондай, жүректерге жететін.

Ақиқатында ол / от / олардың үстерінен жауып тұрады,

созылған діңгектермен.