ХIан-хIа! Дуй боу Ас хIоккху гIалих (Макках).

Хьо /хIай Мухьаммад/ хьаналву-кх цу гIалахь!

Дех (Адамах) дуй боу Ас‚ цо дуьнена ваьккхинчух а (цуьнан доьзалах − нахах):

Оха кхоьллина адам халонгахь.

Цуннамоьтту-те шена тIехь цхьанна а ницкъ кхочур бац?

Цо олу: "Ас дуккха даьхни хIаллакдина".

Цунна моьтту-те ша цхьанна гина вац?

Оха цунна ши бIаьрг ца бина?

Мотт а‚ ши балда а /ца дина/?

Оха нисвина иза /дикачунна а‚ вочунна а тIе боьдучу/ шина новкъа.

Ирхояхьан хьала ца гIирти иза.

Хьоьга стено хаийтина‚ иза хIун ирхо яхьар ду?

Лай азатваккхар ду.

Я хIума яор ду мацалла йолчудийнахь

Шен гергара долчу боберана‚

ЧIогIа къоьлла йолчу мискачунна.

ТIаккха /иза дахь/ хир ву иза иймандиллинчарах а‚ вовшашка собаре хила олуш весет диначарах а‚ вовшашка къинхетаме хила олуш весет диначарах а.

Уьш бу аьтту агIонан (ялсаманин) дай.

Тхан аятех цатешнарш − уьш бу аьрру агIонан (жоьжахатин) дай.

Царна хир ю /шен неIарш царна тIехь/ д1акъевлина цIе.