Сатасарах дуй боу Ас.

Итт буьйсанеха дуй боу Ас.

Шала а‚ шалза адолчух дуй боу Ас.

Буьйсанах а дуй боу Ас‚ иза дIайолаелча.

Цу чохь дуй бац ткъа хьекъал долчунна? /Бу, Делора!/

Хьоьга ца кхечира /хIай Мухьаммад/‚ хIун дира хьо Кхиош-кхобуш волчо Iадашца?

Шайн бIогIамаш долчу ирамашцаа?

Ишттанаш бу уьш шайх теранаш махкахь кхин кхоьллина боцуш.

Самудашцаа, атагIахь тархаш (чараш) туьстуш /цIенош деш/ хиллачу?

Хьостамашдолчу ФирIавнаца?

Шаьш махкахь /Делан дозанех/ тIехбевла хилла болчу.

Дукха дира цара цигахь вон хIуманаш.

Царна тIе Iанийра хьо Кхиош-кхобучо тайп-тайпана Iазап.

Баккъалла а, хьо Кхиош-кхобург /нахана/ тIехьожуш ву-кх /церан Iамалш тергал еш/.

Адамо ша Кхиош-кхобучо зийча‚ Цо шена сий дича‚ ниIматаш делча‚ олу: "Со Кхиош-кхобучо сий дина сан".

Амма Цо ша зийча‚ шена рицкъ кIеззиг делча‚ цо олу: "Со Кхиош-кхобучо со сийсазаваьккхи".

ХIан-хIа! Боберан сий ца до аш.

Мискачунна даа хIума дала /нехан/ дегнаш айа ца до аш.

/Боберийн а‚ зударийн а/ ирс дууш ду шу чIогIа даарца.

Даьхни дезаш ду шу дукха дезарца.

Латта нисдийча‚ нисдеш‚ нисдеш /цунах д1асаяьржина чан хуьлуш/.

ВогIур вухьо Кхиош-кхобург а‚ малик а могIица − могIица.

Оцу /къемат/дийнахь ялор ю (гучуйоккхур ю) жоьжахати. Оцу дийнахь дагадогIурду адамна. Стенна ду цунна /хIинца/ и дагадар?!

Цо эр ду: "Хьалхадаьккхина хиллехьара ас /диканиг/ сайн /хирг долчу/ дахарна".

Оцу дийнахь Цуьнан (Делан) Iазап дийр дац цхьаммо а‚

Цхьаммо а буьхкур бац Цуьнан шад.

/Делах кхоьруш хиллачаьрга эр ду/: "ХIай синтем хилла долу са!

ДIадерза хьуо Кхиош-кхобучуьнга хьо реза долуш‚ хьайна /Дела а‚ маликаш а/ реза долуш‚

ДIакхиа Сан /дикачу/ лешка‚

Чу гIо Сан ялсамани".