/Массо а Шеца хила там бочу вочу сибтех/ ц1анъе хьан вунō лекха волчу Кхиош-кхобучун цIе!

Ишттаниг ву Иза Ша кхоьллина‚ /массо а хIума шен-шен меттиге/ дIанисйина волу‚

Ишттаниг а ву Иза Ша /массо а х1уманан/ барам бина‚ /адам/ нийсачу новкъа диллина волу‚

Ишттаниг а ву Иза Ша /шун бежнашна/ дежийлаш схьадаьхна волу.

Цо хилийтина царах /сенъеллачул тIаьхьа/ якъаелла Iаржъелла яраш.

Оха хьуна /хIай Мухьаммад/ доьшур ду /Къуръан/‚ хьуна дицлур дац иза

Далла лиънарг бен! Баккъалла а, Иза хууш ву гучахь дерг а‚ къайлахь дерг а.

Оха атта дийр ду хьуна аттадолчунна/тIаьхьахIотта хьо/.

Хьехам бе /Къуръанца/‚ хьехамо пайдабахь / бийр бу аьлла хьайна хетачунна/!

Т1елоцур бу хьуна /и хьан хьехам - Къуръан/ /Делах/ кхоьруш волчо.

Цунах хийрваьр ву хьуна т1ех декъазаваьлларг.

Иза ву хьуна вегар волуш йоккхачу цIаргахь.

ТIаккха иза лийр а вац цигахь /1азапах парг1ат а волуш/, вехар а вац /ирсе дахарехь/.

Ваккхийвийди /закат луш/ ша цIанвелларг‚

Ша Кхиош-кхобуш волчун цIе хьехийнарг‚ тIаккха ламаз дийнарг.

ХIаъ! Аш дуьненан дахар хоржу /эхарт а дуьтий/!

Ткъа эхарт дика а‚ мелхō а бухадуьсуш ма дара!

Баккъалла а, хIара ду-кх хьалхалерчу жайнашкахьдерг а‚

ИбрахIиман а‚ Мусан а жайнашкахь дерг а.