Стигланах а дуй боу Ас‚ /буса кхетачу/ седах а дуй боу Ас.

Хьоьга стено хаийтина /хIай Мухьаммад/, и / буса кхетарг/ хIун седа бу?

Бода хадош болу седа бу иза.

Цхьа а са ма дац шена тIехь тергамховолуш бен.

Хьожийла адам‚ стенах ша кхоьллина ду!

Иза кхоьллина ду ийначу /боьршачу стеган а‚ зудчун а/ хих.

Иза схьадолу /ден/ букъара‚ /ненан/ некхан даьIакех (т1ехкех).

Баккъалла а, И /Дела/ ву иза юхаверзонницкъ кхочуш верг.

Къайленаш толлучу /къемат/ дийнахь.

Ма бац цунна (къинош диначунна) ницкъ а‚ ма вац цунна (къинош диначунна) гIоьнча а.

Стигланах а дуй боу Ас‚ шегахь юхадерзор долчу (шен хен-хенахь доьлху догIа долчу).

Латтах а дуй боу Ас‚ шегахь дадар долчу /орамат схьадолуш/:

Баккъалла а, и /Къуръан/ /диканиг а‚ вониг а/ къастош дош ду-кх!

Иза забар яц-кх!

Баккъалла а, уьш (керстанаш) мекарло еш бу мекарло ярца.

Аса йо /церан мекарлонна дуьхьал/ мекарло.

Бита и керстанаш /сих ца луш цаьргара чIир эца/‚ Аса а буьтур бу цхьа жимма.