Боккха бāлабу /йохка-эцар еш дустуш -узуш/ эшош болчарна‚

Ишттанаш бу уьш шаьш нахера дустуш оьцуш /терза/ нисйойтуш‚

Ткъа шаьш царна дустуш а‚ узуш а - эшаеш.

Царна ца моьтту-те шаьш /деллачул тIаьхьа/ дендийр дуйла

Сийлахь-доккхачу денна!

Оцу дийнахь нах д1ахIуттур бу Iаламийн Дена /Далла/ хьалха.

ХIан-хIа! Баккъалла а, къинош диначеран тептар Сижжинчохь хир ду!

Хьуна стено хаийтина /хIай Мухьаммад/‚ иза Сижжин хIун ю?

МухIар тоьхна тептар /ду иза/.

Боккха бāла бу оцу дийнахь /дин/ харцдечарна!

Шаьш бекхаман де харцдеш болчу‚

Иза харцдийр ма дац массо а дозанах ваьлла‚ къинош деш волчо бен.

Шена тIехь Тхан аяташ дешча‚ цо олу: "Хьалхалерчийн туьйранаш /ду хIорш/".

ХIан-хIа! ХIаъ! Цара карадеш долчо макх латийна церан дегнашка.

ХIан-хIа! Баккъалла а, уьш оцу дийнахь шаьш Кхиош-кхобучух дIахьулбина хир бу (царна и Дела гур вац).

ТIаккха уьш чугIур бу жоьжахатина.

ТIаккха эр ду: "ХIара ду аш харцдеш хилларг".

ХIан-хIа! Баккъалла а, дикачеран тептар Iиллиййунанчохь хир ду.

Хьуна стено хаийтина‚ и хIун Iиллиййун ю?

МухIар тоьхна тептар /ду иза/.

Цунна тешалла дийр ду /Далла/ гергахь долчу /маликаша/.

Баккъалла а, диканиг динарш /ялсаманехь/ ни1маташкахь хир бу‚

Маьнганий тIехь хьоьжуш.

Хьуна девзар ду церан яххьашкахь ниIматийн лепар!

Малор ду царна мухIар тоьхначу уггар цIенчу чагIарах‚

Цуьнан чакхе мискю. Оцунна т1ехь яхье бовлийла шаьш яхье бовлурш!

Цунах (чагIарах) тоьхнарг таснимаххир ду‚

Шовда бу иза‚ шена чуьра мер долуш /Далла/ гергаболчара.

Баккъалла а, къинош динарш бара ийман диллинчарах боьлуш‚

Царна тIехбовлуш, вовшашка муьшкаш еш‚

Шайн доьзална тIебоьрзуш, тIебоьрзура забарш еш‚

И /муъмин нах/ шайна гича‚ цара олура: "Баккъалла а, хIорш тилабелларш бу-кх!"

Ца бахийтина уьш царна (бусалбанашна) тIе тергамхойхилла.

Тахана ийман диллина хилларш /Делах/ цатешачарах боьлур бу!

Маьнганий тIехь хьоьжуш хир бу!

/Нисса/ бекхам биний /Делах/ цатешачарна цара деш хиллачуьнца? /Х1аъ, бина, Делора!/