Малх дIахьарчича‚

Седарчий охьадегча‚

Лаьмнаш /шайн меттигашкара/ дIадоладалийтича,

Пхораэмкалш Iу воцуш йитича,

Акхарой гулйича‚

ХIордаш дагийна‚ царах цIе хилча‚

Синош /шайн дуьненахь хиллачу догIмий чу/ дIадерзича‚

Дийна йолуш /кешна чу/ дIайоьллина хиллачу йоь1игехаьттича,

Х1ун къа бахьанехь иза йина хилла аьлла,

/Нехан Iамалш тIеяздина/ тептарш дIаделлича‚

Стигал /уьстагIан цIока доккхуш санна/ схьаяккхича‚

Жоьжахати дIалатича‚

Ялсамани /Делах кхоьруш хиллачарна/ гергаялийча −

/И массо а хIума хилча, тIаккха/ синна хуур ду, ша хIун деана.

ХIан-хIа! Дуй боу Ас дийнахь хьуллечу, буьйсана гучудолучу (къегачу) седарчех.

/Малхаца, баттаца/ дIасалелаш‚ тIаккха /малх д1абузучу хенахь/ къайладовлуш долчу седарчех а‚

Буьйсанах а‚ иза Iаржъелча‚

Iуьйренах а‚ иза серлаяла йолаелча :

Баккъалла а, иза (Къуръан) сийлахь долчу элчанандош ма ду‚

Нуьцкъала долчу, Шегахь Iарш йолчун (Далла) гергахь чIогIа долчу‚

/Шена кхин маликаш/ муьтIахь долчу‚ цигахь ша тешаме долчу.

Ма вац шун накъост (Мухьаммад) жинийх /цхьаболчу керстанашна ма моьтту/.

Цуннаи (Джабраил малик) ма гира серлаяьллачу анахь (стиглан арахь).

И ма вац шега къайлахь (нахана ца гуш долу) доуьйтачу вехьех хIумма эшадеш (нахах хьулдеш‚ ца дуьйцуш).

И (Къуръан) ма дац /цхьаболчу керстанашна ма моьтту/ шена не1алтаьллачу шайтIанан дош.

Шу мича доьду /цу Къуръанна инкарло еш/?

Иза беккъа хьехам бу Iаламашна‚

Шух ша нисвала лиъначунна.

Шуна луур-м дац, Iаламийн Да ша волчу Далла ца лаахь.