78 - The Tidings - An-Naba .
Стенах /лаьцна/ вовшашка хоьтту цара?
Сийлахь-доккхачу хабарх!
Шаьш цу чохь хилпало йолуш долчу.
ХIан-хIа! ТIаьхьа хуур ду царна!
ТIаккха а хIан-хIа! ТIаьхьа хуур ду царна!
Оха ца дина латта моттхилла ?
Лаьмнаш хьостамийхилла?
Оха кхоьллина шу шиш (боьрша а‚ сте а).
Оха хилийтина шун наб садаIар хилла.
Оха хилийтина буьйса духархилла.
Оха хилийтина де дахар хилла /шайн хьашташ кхочушдан/
Оха йоьг1на шуна тIехула ворхI чIогIа /стигал/‚
Оха бина т1ех лепаш чиркх (малх).
Оха даийтина Iовдаш йолчу мархийн юккъера дуттуш долу хи (догIа).
Цуьнца Оха схьабаккхархьама буьртиг а‚ орамат а‚
Луьста бошмаш а.
Баккъалла а, къастаман де хилла хан тоьхна.
Оцу дийнахь сур локхур ю − шу догIур ду тобанашца.
ДIаеллира стигал − цунах хилира неIарш.
ДIадихьира лаьмнаш − /царах/ дисира шаьш хилла сурт.
Баккъалла а, жоьжахати хилира кIелонна йоьгIна (керстанаш чубаре хьоьжуш)‚
/Делан дозанех/ тIехбевлачарна чугIойла хилла.
Лаьттар бу уьш цу чохь дуккха хенашкахь.
Iовшур дац цара цу чохь шело а‚ малар а
Лалийна хи а‚ наткъарш бен.
/Царна/ нийсса богIуш бекхам бу /иза/.
Баккъалла а, уьш хилира дог ца дохуш /шаьш динчун/ хьесапе.
Цара харцдора Тхан аяташ т1ех харцдарца.
Массо а хIума дIатергалдина Оха жайнаца!
Iовша шайна! Совдоккхур дац Оха шуна Iазап бен.
Баккъалла а, /Делах/ кхоьручарна тола меттиг ма ю /ялсамани чохь/.
Бошмаш а‚ кемсаш а /ю царна/.
/Царна/ некхий гоьрга долу‚ шерашца цхьанийса болу мехкарий /хир бу/.
Буьззина /маларан/ кад а /хир бу/.
Царна хозур дац цу чохь даьсса хабар а‚ харцдерг а.
Бекхам бу /иза/ хьо Кхиош-кхобучуьнгара‚ совгIат а‚ хьесап а /Цуьнгара/ хилла,
Стигланийн а‚ лаьттан а царна юккъехь мел долчун а Кхиош-кхобучуьнгара, Ша сов къинхетаме волчуьнгара.Цуьнгара хабар дийцаран доладийр дац цара.
Оцу дийнахь д1ахIуттур ду Саа‚ маликаш а могIица. Вист хир вац шена Сов Къинхетаме волчо пурба делларг бен − цо а эр ду бакъдерг.
Иза хьакъ-бакъ долу де ду. Шена лиъначо схьалаьцна шен Кхиош-кхобучуьнга дIаверзаран некъ.
Баккъалла а, Оха кхерам тесна шуна гергахь долчу Iазапца − оцу дийнахь адам хьожур ду шен шина куьйго хьалхадаьккхинчуьнга‚ эр ду керстано: "Декъаза ваьлла со‚ сох хиллехьара поппар /-ан чан/!"