Еара май адамна тIе заманан цхьа киртиг, и ша хьехон хIума а йоцуш.

Баккъалла а, Оха кхоьллира адам ийначу тIадамах‚ Оха иза зуьйш ву /тIе декхарш дихкарца‚ бāланаш кхиссарца/. ТIаккха хилийтира иза хозуш а‚ гуш а.

Баккъалла а, Оха иза нисвира новкъа: я цо баркалла олуш‚ я керстадеш.

Баккъалла а, Оха кечйина цатешачарна зIайнаш а‚ буржолаш а‚/жоьжахатин/ цIе а.

Баккъалла /Дала бохург деш/ дика хиллачара мер ду када чуьра /хаза маларш/ шех кафур (хаза хьожа йогIу хIума) тоьхна долу.

Шовданан хи муьйлур ду Делан леша‚ шаьш и схьадоккхуш /шайна луучахь/ шортта схьадаккхарций.

Уьш кхочушдеш бу /Далла Iибадат дан/ делла дош‚ уьш кхоьруш бу /къемат/ дийнах‚ шен вон чIогIа даьржина хиллачу.

Цара дао даар, шайна деззашехь, мискачунна а‚ боберана а‚ йийсарна а,

/Шаьш олуш/: "Оха дао шуна Делан юьхьана (Делан дуьхьа)‚ тхуна ца оьшу шуьгара бекхам а‚ баркалла а.

Баккъалла а, тхо кхоьру тхан Кхиош-кхобучуьнгараяххьаш чIогIа хебар йолчу дийнах".

Дала ларийра уьш оцу дийнан вонах‚ диллира /церан яьххьаш т1е/ бослепар а‚ хазахетар а.

Бекхам бира царна шаьш /Далла ечу Iамална тIехь/ собар дарна бешций‚ дариций.

Цигахь уьш Iийр бу маьнганий тIетевжина. Царна гур бац цигахь малх а‚ шело а‚

Гергахь хир ду царна /цу бешан/ IиндагIа‚ охьакхевдина хир бу цуьнан стоьмаш охьакхавдарах (аьтто хуьлуш шаьш бāха ира хIоьттина волчунна а‚ охьа хиъна волчунна а‚ вижна волчунна а).

Царна тIехьийзор бу датон пхьегIаца‚ чохь са гучу кадаца /кегий нах/ −

Датон чохь са гучу кадаца (оцу тIехьийзачара хьуна мала бегIийла йолчу кепара малар) дIалуш.

Цигахь малор бу чагIаран кад‚ шех занжабилтоьхна болу.

Цигахь /малор ду/ шовда‚ шех салсабиль олу.

Царна тIехьийзар бу къан ца лун кегирхой‚ хьуна уьш гича, дIасадаржина луълуъ ду моьттуш.

Хьо хьежначу хенахь‚ цигахь хьуна гур ду ниIматаш а‚ доккха /чакхе йоцуш/ мулк (ниIмат, Дала хьуна делла долу).

Царна тIедуьйхина хир ду дуьткъачу баьццара дарин духар а‚ стоммачу дарин духар а‚ уьш хазбина хир бу датон чIагаршца‚ уьш Кхиош-кхобучо царна малор ду цIена малар а.

"Баккъалла а, хIара хили шуна бекхамна /аш йина дика Iамалш бахьанехь/‚ шун /дуьненахь/ къахьегар хили /х1инца/ баркалле".

Баккъалла а, Оха доссора хьоьга Къуръан /кIез-кIеззиг/ доссорца.

Хьо собаре хила хьуо Кхиош-кхобучун хьукамна‚ хьо муьтIахь ма хила царах къинош дечунна а‚ /дин/ керста дечунна.

Ахь хьехае хьуо Кхиош-кхобучун цIе Iуьйранна а‚ суьйрана а.(Ламазаш де, Iибадат де Далла).

Буьйсанах а /цхьана декъехь/ сужуд де Цунна‚ тасбахь а де Цунна еххачу буьйсана. (Буьйса денъе Далла Iибадат дарца).

Баккъалла а, хIорш дукхадезаш бу сиха чекхдаьр дерг (дуьне)‚ дуьту шайна тIехьахь деза (хала) де − /къематде/.

Оха кхоьллина уьш‚ чIагIйина церан меженаш. Тхуна лиъча, Оха /уьш/ хийцор бара царах терачаьрца хийцорца.

Баккъалла а, хIара хьехам бу‚ шена луучо т1елаьцна /иза/ ша Кхиош-кхобучуьнга некъ бина.

Шуна луур дац Далла лаахь бен. Баккъалла а, Дела хили хууш верг а‚ хьукам /нийса/ деш верг а.

Цо вохуьйту Шена луург Шен къинхетамна чу. Ткъа зуламхой − царна Цо кечдина лазош долу Iазап.