74 - The Cloaked One - Al-Muddaththir .
ХIай /бедарх/ дIахьаьрчинарг!
ХьалагIатта‚ кхерам таса!
Хьуо Кхиош-кхобург воккхаве!
Хьан бедар цIанъе!
Боьху хIуманаш дIатаса!
Ма ло хIума хьайна /цунах/ алссам тIекхиар лоьхуш.
Хьо Кхиош-кхобучун /гIуллакхна/ собаре хила.
Сур лекхначу хенахь (шолгIа локху сур) −
Иза оцу дийнахь хала де ду.
/Делах/ тешаш боцучарна атта доцуш.
Вита Со а и Ас кхоьллинарга тхаьш.
Ас хилийтира цунна шортта даьхни а‚
КIентий а, шаьш цуьнца цхьана /гуттар/ лаьтташ.
Ас аьтто бира цунна /хаза/ аьтто барца.
ТIаккха а лиира цунна Ас совдаккха /шен хьал/.
ХIан-хIа! Баккъалла а, иза хилира Тхан аяташна дуьхьал.
Ас тIеюьллур ю цунна ирхо (Iазапан мохь).
Баккъалла а, цо ойла йора‚ хьесап а дора.
ХIаллакхиларг! Муха дора цо хьесап?
ТIаккха а хIаллакхиларг! Муха дора цо хьесап?
ТIаккха иза хьежира.
ТIаккха юьхь хабийра‚ вусавелира.
ТIаккха иза юхваьлира /Къуръанах/‚ куравелира.
Цо элира: "ХIара деккъа бозбуунчалла ду /хьалха дуьйна/ схьадогIуш долу.
ХIара деккъа адаман дош ду".
Ас вагор ву иза сакъаран /жоьжахати/ чохь.
Хьан хаийтина хьуна‚ хIун ю и сакъар?
Буха а ца вуьту цо‚ дIа а ца тосу,
Гучуйолу и адамна /геннара цуьнан юьхь Iаржаеш/.
Цунна тIехIоьттина ткъеяссина /малик/ ду.
Жоьжахатина тIехIоьттина берш Оха маликаш бен ца хилийтина. Церан дагардар ца хилийтина Оха деккъа цатешачарна питнина бен а‚ жайнан охIлана и бакъ дуйла хаийтархьама а‚ /Делах/ тешаш берш ийманца совбахархьама а‚ шеко ца яйтархьама жайнан охIлане а‚ муъмин нахе а; шайн дегнашкахь цамгар йолчаьрга а‚ цатешачаьрга а алийтархьама: "ХIун лиъна-техьа Далла хIокхунца‚ масал а далийна?" Иштта тилавала вуьту Дала Шена луург‚ нисво Шена луург. Хьо Кхиош-кхобучун эскар хуур дац Цунна Шена бен. Иза беккъа хьехам бу-кх адамашна.
ХIан-хIа! Баттаца дуй боу Ас!
Буьйсанца дуй боу и тIаьхьаяханчу хенахь.
Сатасарца дуй боу и гучудаьллачу хенахь.
Баккъалла а, иза (сакъар олу жоьжахати) уггар яккхичарах цхьаъ ю!
Кхерамча адамашна /ю иза/.
Шух шен луучунна /диканна/ хьалхавала а‚ /вочунна/ тIаьхьависа а.
Массо а са ша карадинчуьнца закъалт ду
Аьтту куьйган дай боцурш.
Уьш /бошмашкахь/ вовшашка хоьттуш хир бу
Къинош диначарах:
"Хьан дигина шу сакъара чу?"
Цара элира: "Тхо ца хилира ламазаш дечарах,
Тхо ца хилира мискачарна хIума даош.
Даьсса хабарш дуьйцучаьрца /даьсса/ хабар дуьйцуш хилира тхо‚
Бекхаман дехарцдеш хилира тхо
Тхайга бакъдерг далц".
Пайда бийр бац царна шапаIат дечеран шапаIато.
ХIун ду царна уьш хьехамах дIаберза?
Шаьш акхаяьлла вираш санна‚
/Кхераелла/ йовдуш ломах?
ХIаъ, царах массо а ву лууш шега лойла схьадиллина жайнаш.
ХIан-хIа‚ уьш ца кхоьру эхартах.
ХIан-хIа! Баккъалла а, иза /Къуръан/ хьехам бу,
Шена /нисвала/ луучо т1елоцур бу и.
Далла лаахь бен цара т1елоцур-м бац. Иза ву /Шех/ кхеран охIла‚ Иза ву /Ша/ гечдаран охIла.