Ахь āла: "Соьга вехьеца хаийтина: "ЛадуьйгIира /Къуръане/ жинийн цхьана тобано‚ тIаккха цара элира: "Баккъалла а, тхуна хезира цхьа тамаше дешар!

Цо (Къуръано) нисво нийсачу новкъа‚ тхо цунах тийшира‚ оха лацанне а лоцур вац тхаш кхиош-кхобуш волчу Делаца цхьа а накъост.

Баккъалла а, лакхадели тхо кхиош-кхобуш волчу Делан возалла − ца леци Цо зуда-накъост а‚ доьзалхо а.

Баккъалла а, хили тхан Iовдалниголуш Далла тIехь кIорггера харцдерг.

Тхуна моьттура цкъа а эр дац адамо а‚ жино а Далла тIехь харцдерг.

Адамийн цхьа божарийбара ларлуш жинийн божаршца (цаьргара гIо луьйцуш) − цара совбехира уьш тиларца (Делан дозанех бовларца).

Баккъалла а, царна моьттура шуна моьттуш хилларг: "Цкъа а Дала цхьа а денвийр вац"‚ аьлла.

/Жинаша элира/: "Тхо хьакхаделира стиглах‚ тхуна иза карийра нуьцIкъалчу гIаролех‚ цIе тухучу седарчех юьззина.

Тхо хилира цигахь охьахууш ладогIаран охьахаарна. ЛадугIуш волчунна хIинца карор шена кIело йина Iеш болу цIе туху седа.

Тхуна хаац‚ вониг лууш ду лаьттахь болчарна я уьш Кхиош-кхобуш волу Дела царна нийса некъ лууш ву.

Тхох диканаш а ду‚ тхох уьш доцурш а ду‚ тхо хилира тайп-тайпана некъенаш.

Тхуна хиира: тхуна цкъа а ницкъ кхочур бац Дела (-н омрах довла) лаьттахь а‚ тхуна цкъа а ницкъ кхочур бац девдана кIелхьардовла а.

Тхуна нийса некъ (Къуръан) хезча‚ тхо Цунах (Делах) тийшира. Ша кхиош-кхобуш волчу шен Делах тешаш верг − кхоьрур вац шен мела эшарх а‚ зулам хиларх а /къа сов даьлла/.

Баккъалла а, тхох /Далла/ муьт1ахь дерш а ду‚ тхох /бакъдолчух/ дIадирзинарш а ду. Ткъа шаьш /Далла/ муьт1ахь хилларш − дикачунна тIе /нийсачу новкъа/ нисбелла.

Амма бакъболчу некъах дIабирзинарш − царах хили жоьжахатина ягориг".

Уьш нисбеллехьара /исламан/ новкъа, Оха малор дара царна шортта хи (оьшучу хенахь шортта догIа дойтур дара Оха царна)‚

Цуьнца уьш зерхьама. Ша кхиош-кхобуш волу шен Дела хьехорах дIавоьрзуш верг - Цо вохуьйтур ву и лан хала долчу Iазапа чу.

Баккъалла а, маьждигашДелан ду − аш ма кхайкха Делаца цхьа а!

Баккъалла а, Делан лай (Мухьаммад) д1ахIоьттича Цуьнга кхойкхуш,уьш (бусалба джинаш) дисира тIеттIа цунна тIе гулделла /ладогIа лууш/.

Ахь āла /цу керстанашка, хIай Мухьаммад/: "Баккъалла а, ас кхойкху со кхиош-кхобуш волчу сан Деле‚ Цуьнца цхьа а накъост ца лоцу ас".

Ахь āла: "Баккъалла а, со вац сан долахь шуна зен долуш‚ нийса некъ болуш а".

Ахь āла: "Баккъалла а, со Делах ларор вац цхьаммо а‚ суна карор яц Иза воцург вадан меттиг.

Делера дерг а‚ Цуьнан элчаналлин дерг а дIакхачор бен /нахе дац суна тIехь/. Далла а‚ Цуьнан элчанна а Iесалла еш верг − баккъалла а, цунна жоьжахатин цIе хир ю‚ уьш цу чохь гуттар лаьтташ.

Шайна хир ду аьлла ваIда йинарг галц − тIаккха хуур ду царна‚ мила ву вуно ледар гIоьнчий хиларца‚ вуно кIеззиг ницкъ хиларца.

Ахь āла: "Суна хаац‚ герга ду и шуна хир ду аьлла ваIда йинарг я со кхиош-кхобуш волчу сан Дала цунна хан тоьхна‚

Къайле хуург /ву Иза/‚ Цо ца кхиаво Шен къайленна тIе цхьа а

/Ша Далла/ реза хилла элча воцург. Т1аккха, баккъалла а, Цо лоьлуьйту элчанна хьалхахула а‚ тIехьахула а /иза джинех а, шайт1анан васвасаллах а Iалашвеш маликийн/ тергаме тоба.

Шена хаийтан цара (элчанаша) дIакхачийна дуйла шаьш кхиош-кхобуш волчу шайн Делан элчаналла. Цаьргахь дерг кхоччуш хууш ву Иза‚ хIор хIума дагарйина Цо барамца".