67 - The Sovereignty - Al-Mulk .
Беркате (хастаме) хили Иза (Дела)‚ Шен куьйгахь паччахьалла долу‚ Ша массо а хIуманна тIехь ницкъ кхочуш волу.
Иза ву Ша кхоьллина далар а‚ дахар а шу зерхьама‚ муьлхарниг ву шух вуно диканиг Iамал ярца. Иза ву веза верг а‚ гечдийриг а.
Иза ву Ша кхоьллина ворхI стигал тIеттIа. Хьуна гур ма яц сов Къинхетаме волчо кхоьллинчунгахь цхьа а вовшашца ца йогIу хIума. Тохал бIаьрг: гуй хьуна цхьа а яьдда меттиг?
ТIаккха юх-юха а тохал бIаьрг − хьоьга духадоьрзур ду бIаьргтохар кIелдисна‚ ша гIелделла долуш.
Оха хаздина дуьненанстигал чиркхашца (седарчашца)‚ Оха хилийтина уьш шайтIанашна кхоссарш. Оха кечдина царна (шайтIанашна) егачу цIеранIазап.
Шаьш Кхиош-кхобучух(Делах) цатешначарна а жоьжахатин Iазап ду. Ма вон дIадерзар ду-кх иза!
Шаьш цу чу кхоьссича, царна хозур ду цуьнан угIарш‚ и ша кхехкаш йолуш.
Ша оьгIазъялла эккха кечъелла: цу чу /къинош динчеран/ толгIа (тоба) массаза кхоьссича а, цуьнан гIаролаша цаьрга хоттур ду: "Кхерамча (Делан элча) ца веара шуьга?"‚ аьлла.
Цара эр: "ХIаъ‚ веара тхоьга кхерамча − Оха иза харцвира‚ оха элира: "Дала хIумма а ца доссийна‚ шу ма ду доккхачу тиларчохь".
Цара элира: "Тхо хиллехьара ладугIуш а‚ ойла еш а − тхо хир ма дацара егачу цIеран дайшлахь".
Уьш къера хилира шайн къинна. /Делан къинхетамах/ ма генахь бу-кх егачу цIеран дай!
Баккъалла а, шайна гуш воццушехь шаьш кхиош-кхобуш волчу шайн Делах кхоьруш берш − царна ду гечдар а‚ йоккха ял.
Къайладаккха шайн дош, я гучудаккха иза − баккъалла а, Иза ву дегнашкахь дерг хууш верг.
Ткъа ца хаьа Цунна‚ ша кхоьллинчунна? Иза ву сов дика кхетаме верг а‚ сов дика хууш верг а.
Иза ву шуна латта кIеда /лела атта/ динарг – лела /шу, хIай нах/ цуьнан агIонашкахула, даа цуьнан рицкъах (Дала лаьттахь делла ниIматаш хьанал къахьегарца). − Цуьнга ду /шун кешнашкара/ гIовтар.
Шу тешна дуй /хIай Далла инкарло еш берш/ стиглахь волчух, Цо шаьш лаьттах худор дац аьлла, т1аккха и /латта/ детталуш?
Я шу тешна дуй стиглахь волчух Цо шайна боуьйтур бац аьлла тIулгех /буьзна/ чIогIа мох? ТIаьхьа хуур ду шуна‚ муха бу Сан кхерам.
Харцбира /элчанаш/ царал хьалха хиллачара а − муха хилира /царна/ Сан инкарло! (Ма ирча хилира Сан Iазап!).
Царна ца го олхазаршшайна тIехула лелаш долу − /шайн тIамаш/ даржадеш‚ тIаккха тIегулдеш? Уьш сацадеш верг-м Сов Къинхетаме волу Дела бен вац. Баккъалла а, Иза ву-кх массо а хIума гуш верг.
Мила ву и шуна бIо хилла гIо дийр дерг ша сов къинхетаме волчу Делан Iазап духатоха? Цатешнарш ма бац Iехабаларгахь бен.
Мила ву иза шуна рицкъ лур дерг, Цо Шен рицкъ сацадича? ХIаъ‚ ма /Далла/ дуьхьалбевлла уьш‚ ма /бакъдолчунна/ гена бевлла уьш.
Ткъа шен юьхь тIехь лелаш верг ву нийса‚ я нийсачу новкъа нийсса лелаш верг ву?
Ахь āла /цаьрга, хIай Мухьаммад/: "Иза ву шу кхиинарг а‚ шуна хазар а‚ бIаьрса а‚ дегнаш а динарг а. КIеззиг ду-кх аш баркалла олург!"
Ахь āла: "Иза ву шу лаьттахь даржийнарг‚ Цуьнга гулдийр долуш а ду шу".
Цара олу: "Маца хир ду и аш бохург, шу бакълуьйш хиллехь?"
Ахь āла: "Iилма Далла гергахь ду‚ ткъа со билгала волу къерамча ву".
Иза шайна гича гергахь‚ цатешначеран яххьаш ирчаелира‚ /цаьрга/ элира /маликаша, бехк боккхуш/: "ХIара ду иза аш /дуьненахь долуш/ ша лоьхуш хилларг!"
Ахь āла: "Гой шуна‚ со Дала хIаллаквича‚ соьца берш а‚ я Цо тхох къинхетам бича‚ хьан кIелхьарбохур бу цатешнарш лазош долчу Iазапах?"
Ахь āла: "Иза ву сов къинхетаме волу Дела‚ Цуьнга ийман диллина оха‚ Цунна тIе а тевжина. ТIаьхьа хуур ду шуна‚ мила ву билгалчу тиларчохь".
Ахь āла: "Гой шуна‚ и шун хи 1уьйранца лекъча‚ хьан лур ду шуна оьхуш долу хьастан хи?"