56 - The Inevitable - Al-Wāqi`ah .
Ша хилаза ца долургхилча‚
И хилар харцдеш цхьа а /са/ ма дац.
/Дукханаш/ цо охьатаIор бу‚ /дукханаш/ хьалабохур ма бу.
Латта ластийча, ласторца‚
Лаьмнаш даржича, даржорца‚
/Царах/ хилча дIасхьаяьржина чан.
Шу а хилча кхаа декъе декъаделла:
Аьтту куьйгандай −муьлш бу и аьтту куьйган дай?
Аьрру куьйган дай −муьлш бу и аьрру куьйгандай?
/Ийманца дуьненахь/ хьалхабевлла хилларш −хир бу /ял шайна яларца къематдийнахь/ хьалхабевлла берш.
Уьш хир бу /Далла/ гергахь
НиIматийн бошмашкахь.
Хьалхарчарах цхьа тоба‚
ТIаьхьарчарах цхьа кIеззиг берш
/Деших‚ жовхIарех/ тегначу маьнганий тIехь хир бу.
Царна тIетевжина‚ вовшашна дуьхьалбирзина.
Царна /гIуллакх деш/ тIехьийзар бу гуттар къона кегирхой
Стаькнашца‚ кIудалшца‚ /чагIаран/ шовдан кадаца −
Кортош лезар дац церан цунах‚ бехар а бац уьш.
Стоьмаш хир бу царна шаьш хаьржинчух‚
Хьозан жижиг хир ду царна шайна дукхадезачух‚
Iаьржа‚ бакхий (хаза) бIаьргаш болу мехкарий а хир бу‚
Нуьцкъала Iалашдечу луълуъах тера болу −
Цара деш хиллачун бекхаман дуьхьа ду иза.
Царна хозур дац цу чохь (ялсаманехь) даьсса хабарш а‚ къинош дина, бохуш, бехкаш а −
Деккъа "Салам!" "Салам!" олу дош бен.
Аьтту куьйган дай −муьлш бу и аьтту куьйган дай?
КIохцалш доцчу лотос диттийн юккъехь хир бу /уьш/‚
ТIетта стоьмех дуьзначу тIалхьдиттий юккъехь /хир бу/‚
Дехха даьржинчу IиндагIехь хир бу‚
Гуттар оьхачу хина юккъехь хир бу‚
Дуккха стоьмий юккъехь хир бу‚
Шаьш царах хадор боцчу‚ духатухур боцчу‚
Хьалаайбинчу маьнганий тIехь.
Баккъалла а, Оха кхиина уьшкхиорца‚
Оха хилийти уьш йоI-цIена
Шайн марош дукхабезаш‚ царца цхьанахенара‚
Аьттачу куьйган дайшна /хир бу уьш/‚
/Уьш бу/: хьалхарчарах цхьа тоба‚
Кхечарах цхьа тоба.
Аьрру куъйган дай −муьлш бу и аьрру куьйган дай?
Уьш хир бу цIе еттачу махехь‚ цIийдинчу хичахь‚
Сов Iаьржачу дохкан IиндагIехь‚
Ша шила доцчу‚ ша /дегIана/ там беш доцчу.
Баккъалла а, уьш ма бара оцул хьалха /дуьненахь/ зовкх хьоьгуш.
Уьш бара къар ца луш доккха къадеш.
Уьш бара олуш: “Тхо делча‚ тхох топпар (поппар) а‚ т1ехкаш (даьIахкаш) а хилча, тхо юха дендийр ду?
Я тхан хьалхалера дай /денбийр бу/?”
Ахь āла: “Баккъалла а, хьалхалераш а‚ тIаьхьарнаш а,
Гулбийр ма бу билгалчу /къемат/ дийнан тоьхначу ханна.
ТIаккха баккъалла а, аш‚ хIай тиладелларш‚/бакъдерг/ харцдийнарш‚
Дуур ма ду заккъумдиттах /стоьмаш/‚
Юзор ма цунах /шайн/ гайш‚
Цунна тIе /аш/ молур ма ду цIийдинчу хих‚
/Аш/ молур ма ду хьогъеллачу эмкалан малар.”
Иза ду царна кечдийнарг бекхаман дийнахь.
Оха кхоьллина шу‚ аш хIунда бакъ ца до /юхадендар къематдийнахь/?
Шуна ца го шаьш хIу тосуш?
Аш кхуллуш ду иза /адам/ я Тхо ду кхуллурш?
Оха билгалдаьккхира шуна юккъехь валар‚ Тхо тIаьхьадуьсур дац
Шу хийцо шух терачарах‚ шу кхио шуна ца хуучу кепара.
Шуна девзира-май дуьххьарлера кхоллар‚ аш ойла хIунда ца йо?
Шаьш дуьйш дерг (ялта) гой шуна?
Шу ду и /лаьттах/ кхуьуьйтуш я Тхо ду и кхуьуьйтурш?
Тхуна лиънехьара‚ Оха екъа яр хуьлуьйтур яра цунах‚ шу цецдевлла дуьсур ма дара‚ /олуш/:
"Баккъалла а, тхо декхар кIелма диси.
ХIаъ‚ тхо хIумма доцуш ма диси".
Шуна гой шаьш молуш долу хи?
Аш даийтина иза мархий юккъера я Тхо ду и доуьйтурш?
Тхуна лиънехьара, Оха и дуьра холуьйтур дара /шуна мала ца луш/‚ баркалла хIунда ца олу аш?
Шуна гой цIе‚ шаьш латаеш йолу?
Аш кхиина цуьнан диття Тхо ду и кхиош дерш?
Оха хилийтина иза /жоьжахатин цIе/ дагайойтург а‚ яьссачу арахь болчарна пайда оьцу хIума а хилла (царна нах 1еш болу меттиг йовзуьйтуш).
Хьан сийлахь-воккха волчу Кхиош-кхобучун цIе хастае (И массо а вочу х1уманах ц1анвеш)!
ТIаккха Ас дуй боу седарчий дIадузучу меттигах.
Баккъалла а, и дуй‚ шуна хаахьара‚ беза-боккха ма бу!
Баккъалла а, иза сийлахь Къуръан ма ду
Iалашдинчу жайначохь.
Цунах хьакха ца ло цIенаберш бен.
Охьадоьссина ду иза Iаламийн Дегара.
И хабар а ца лоруш ду шу?
Шайна рицкъ даларна /Далла шукур дар/ шаьш /цуьнан/ ни1мат (дин) харцдар хуьлуьйту аш?
И (са арадолуш) къанкъаркъе кхаьчча‚
Цу хенахь шу хьоьжуш долуш, /шуна и юха чудерзо могур ма дацара/,
Тхо вуно гергахь ду цунна шул‚ делахь а, шуна ца го.
Шу ца хиллехьара /къематдийнахь/ шайгара бекхам оьцуш‚
Аш духадерзор дара и /са/, шаьш бакъ луьйш хиллехь?
Амма иза хиллехь /Далла/ гергарчарах‚−
/ТIаккха цунна/ ду садаIар‚ дог парг1атдалар а‚ ниIматийн бошмаш а.
Амма иза хиллехь аьтту куьйган дех −
ТIаккха салам ду хьуна аьтту куьйган дайшкара.
Амма иза хиллехь /дин/ харцдиначарах‚ тилабеллачарах −
Цунна ду хьошалгIа тIелацар цIийделлачу хих‚
Жоьжатехь вагар а.
Баккъалла а, иза хьакъ-бакъдерг ду-кх!
Ахь хастае хьан сийлахь-воккхачу Кхиош-кхобучун цIе (И массо а вочу х1уманах ц1анвеш)!