Сов къинхетаме верг.
Цо Iамадина /Шен пайхамарна/ Къуръан.
Цо кхоьллина адам.
Цо Iамадина цунна (адамна) хаар.
Малх а‚ бутт а /Цуьнан/ хьесапаца /дIасалелаш/ бу.
Седаа‚ дитт а /Цунна/ сужуд деш ду.
Стигал − Цо иза аййина‚ мийза-терза дIахIоттина.
Шуьга харцо ца яйта /терзанца/ озарехь.
Озар-дустар хIоттаде нийсонца‚ эша ма е терза!
Латта а дIадаржина Цо /Шен/ Iаламна!
Цунна (латта) тIехь стоьмаш схьаболу‚ кедалгаш долу хурманан дитт а /схьадолу/.
Ча-гIад долубуьртигаш а, хаза хьожа йолу баццаш а /схьайолу лаьттах/.
Т1аккха а шайн Кхиош-кхобучун муьлха ниIмат харцдо аш шиммо?
Цо кхоьллира адам бекъачу поппарах, кхийра пхьегI санна (поппаран пхьегI санна).
Цо кхоьллира жин кIура ца болучу (цIенчу) цIерах.
Т1аккха а шайн Кхиош-кхобучун муьлха ниIмат харцдо аш шиммо?
Шинамалхбален а Дела ву Иза‚ шина малхбузен а Дела ву.
Т1аккха а шайн Кхиош-кхобучун муьлха ниIмат харцдо аш шиммо?
Цо паргIат битира Ши хIорд /дуьра берг а‚ теза берг а/ вовшашца цхьаьнакхета.
Царна шинна юккъехь дуьхьало ю уьш вовший тIе ца кхийда.
Т1аккха а шайн Кхиош-кхобучун муьлха ниIмат харцдо аш шиммо?
Схьадолу цу шина /хIордах/ луълуъ а‚ маржан а.
Т1аккха а шайн Кхиош-кхобучун муьлха ниIмат харцдо аш шиммо?
Цуьнан ду хIордачухула дIасалела кеманаш, лекхачу лаьмнех тера.
Т1аккха а шайн Кхиош-кхобучун муьлха ниIмат харцдо аш шиммо?
Массо а цу /лаьтта/ тIехь верг хIаллакхир ву.
Юьсур ю хьан Кхиош-кхобучун юьхь‚ Шегахь сийлахьалла а‚ коьмаьршалла а долу.
Т1аккха а шайн Кхиош-кхобучун муьлха ниIмат харцдо аш шиммо?
Цуьнга доьху стигланашкахь а‚ лаьттахь а болчара. Х1ор дийнахь Иза гIуллакхехьву.
Т1аккха а шайн Кхиош-кхобучун муьлха ниIмат харцдо аш шиммо?
ТIаьхьа мукъадерду Тхо шуна, хIай жинаш а‚ адамаш а.
Т1аккха а шайн Кхиош-кхобучун муьлха ниIмат харцдо аш шиммо?
ХIай жинийн а‚ адамийн а гулам! Шайна магахь стигланийн а‚ лаьттан а дозаний дехьадовла‚ довлал! Шу довлур-м дац цхьана бакъонцаа бен.
ТIаккха а шайн Кхиош-кхобучун муьлха ниIмат харцдо аш шиммо?
Шуна шинна тIе йоуьйтур ю /кIура боцчу/ цIеран алу а, кIура а. ГIо дийр дац шуна шинна.
ТIаккха а шайн Кхиош-кхобучун муьлха ниIмат харцдо аш шиммо?
Стигал йедича‚ иза юьсур ю цIиелла, басар санна.
ТIаккха а шайн Кхиош-кхобучун муьлха ниIмат харцдо аш шиммо?
Оцу дийнахь шен къих хоттур ма дац адаме а‚ жине а.
ТIаккха а шайн Кхиош-кхобучун муьлха ниIмат харцдо аш шиммо?
Къинош динарш бевзар бу шайн билгалонашца а‚ схьалоьцур бу кIужалашца а‚ когашца а.
ТIаккха а шайн Кхиош-кхобучун муьлха ниIмат харцдо аш шиммо?
ХIара ю и жоьжахати, къиношдиначара ша харцъеш хилла йолу.
Цара гонаш бохур бу цунна а, цIийдинчу хина а юккъехула.
ТIаккха а шайн Кхиош-кхобучун муьлха ниIмат харцдо аш шиммо?
Шен Кхиош-кхобучунна хьалха хIоттарах кхийринчунна /ялсаманин/ ши беш хир ю.
ТIаккха а шайн Кхиош-кхобучун муьлха ниIмат харцдо аш шиммо?
Гаьннаш долуш /ю и ши ялсаманин беш/.
ТIаккха а шайн Кхиош-кхобучун муьлха ниIмат харцдо аш шиммо?
Цу чохь оьхуш ши шовда ду.
ТIаккха а шайн Кхиош-кхобучун муьлха ниIмат харцдо аш шиммо?
Цу шина /ялсамани/ чохь хIор стоьмах ши тайпа бу.
ТIаккъа а шайн Кхиош-кхобучун муьлха ниIмат харцдо аш шиммо?
Уьш (дика Iамалш йинарш) хир бу маьнганий тIе тевжина‚ /цу маьнганийн/ чоь езадарех йина йолуш. Цу ялсамани чохь /стоьмаш/ баха гергахь хир бу.
ТIаккха а шайн Кхиош-кхобучун муьлха ниIмат харцдо аш шиммо?
Цу /ялсамани/ чохь бIаьрг оьзда мехкарий хир бу‚ шайх царал хьалха цхьа а адам а‚ жин а хьакхаделла боцу.
ТIаккха а шайн Кхиош-кхобучун муьлха ниIмат харцдо аш шиммо?
Шаьш якъут а‚ маржан санна хир бу уьш.
ТIаккха а шайн Кхиош-кхобучун муьлха ниIмат харцдо аш шиммо?
Ткъа диканан бекхам дика а бен дуй?
ТIаккха а шайн Кхиош-кхобучун муьлха ниIмат харцдо аш шиммо?
И шиъ йоцург кхин ши беш хир ю.
ТIаккха а шайн Кхиош-кхобучун муьлха ниIмат харцдо аш шиммо?
ТаьIна баьццара босахь /ю и ши беш/.
ТIаккха а шайн Кхиош-кхобучун муьлха ниIмат харцдо аш шиммо?
Царна чохь хи кхуьссуш ши шовда хир бу.
ТIаккха а шайн Кхиош-кхобучун муьлха ниIмат харцдо аш шиммо?
Царна чохь стоьмаш хир бу‚ хурма а‚ гранат а хир ю.
ТIаккха а шайн Кхиош-кхобучун муьлха ниIмат харцдо аш шиммо?
Царна чохь дика‚ хаза мехкарий хир бу.
ТIаккха а шайн Кхиош-кхобучун муьлха ниIмат харцдо аш шиммо?
Iаьржа бIаьргаш болуш‚ хьажар лоцу долу мехкарийхир бу четаршкахь.
ТIаккха шайн Кхиош-кхобучун муьлха ниIмат харцдо аш шиммо?
Шайх царал хьалха цхьа а адам а‚ жин а хьакхаделла боцу.
ТIаккха а шайн Кхиош-кхобучун муьлха ниIмат харцдо аш шиммо?
Шаьш тIетевжина болуш баьццарчу гIайбаний‚ хазаллих буьззинчу кузашна а.
ТIаккха а шайн Кхиош-кхобучун муьлха ниIмат харцдо аш шиммо?
Беркате хилла хьан Кхиош-кхобучун цIе‚ Шегахь сийлахьалла а‚ коьмаьршалла а долу.