54 - The Moon - Al-Qamar .

Гергадеана сахьт (къематде)‚ бутт ахбаьллера.

Шайна делил (муIжизат) гичи а, уьш (цатешарш) юхабовлу /иманах/‚ цара олу: "Дахделла бозбуунчалла ду".

Цара харцдира /пайхамар ваийтар/‚ уьш тIаьхьабаьзира шайн дезаршна. Массо а гIуллакх /диканиг а‚ вониг а/ чIагIделла ду /шен тоьхна хан йолуш/.

Цаьрга деара май хабарш /хьалхалера Делах ца тешаш хилла болу нах хIаллакбарах лаьцна долу/‚ шайна чохь /уьш къинах/ юхаозар а долуш.

КIорггара хьикмат а /деара цаьрга/. Пайда ца бора кхерамаша (хьехамаша).

Генавала царах‚ /бита уьш/ кхойкхучоца дезачу хIумане шаьш кхойкху /къемат/де т1екхаччалц.

БIаьргаш хьетIабаьлла /дукха кхерабаларна/, арабовлур бу уьш кешнашкара, даьржина цIоз санна

/Шайга/ кхойкхуш волчунна /тIе кхача/ сихбевлла. /Эццахь/ цатешачара эр ду: "Ма хала де ду-кх хIара!"

Харцдира /дин/ царал (къурайшал) хьалха Нухьан къомо. Цара харцвира Тхан лай /Нухь/‚ элира: "Жинийх ву иза"‚ тIаккха иза дIаэккхира.

ТIаккха цо кхийкхира ша Кхиош-кхобучуьнга: "Баккъалла а, со эшийна. Ахь гIо де-хьа суна!"

ТIаккха Оха дIаеллира стигланан неIарш дIакхуьссуш долчу хица.

Лаьттах схьадехира Оха хьосташ, хи вовшахкхийтира ша язделла хилла долчу омрана тIехь.

Оха дIаваьхьира иза (Нухь кема тIехь) аннаш а‚ хьостамаш а долчу.

Иза (кема) дIаихара Тхан бIаьргий хьалхахьша харцвинахиллачеран бекхамна.

Оха дитира изаделил хилла‚ вуй цхьа а иза тергал деш верг?

Муха дара Сан Iазап а‚ кхерамтасар а?

Оха атта дира Къуръан дагалаца. Вуй цхьа а дагалоцург?

Харцдира /дин/ Iадаша а. Муха хилира Сан Iазап а‚ кхерамтасар а?

Оха бахийтира царна шок лоькху мох дахделлачу декъазчу дийнахь.

Цо схьабохура нах /шаьш болчуьра/, уьш буьсуш /лаьттах/ схьадохуш долу хурманан диттийн орамаш санна.

Муха хилира Сан Iазап а‚ кхерамтасар а?

Оха атта дира Къуръан дагалацан. Вуй цхьа а дагалоцург?

Харцбира самудаша а кхерамаш (хьехамаш).

Цара (самудаша) элира: "Тхайх цхьана адамна тIаьхьадезар ду тхо? ТIаккха-м хир ма дара тхо тилар чохь а‚ сийзаллина чохь а.

/Цара элира/:"Вайна юккъера /деккъа/ цуьнга доссийна вехьий? ХIа-хIа! Иза ву-кх /сов/ харцлуьйш дозалла деш верг".

Хуур ду царна кхана‚ мила ву /сов/ харцлуьйш дозалла деш верг.

Оха йохуьйтур эмкал царна питна хилла. Хьо хьажал цаьрга /хIай Салихь/‚ собаре а хилла.

Āла цаьрга‚ хи декъна хир ду царна юкъахь: хIоранна а шен малар хир ду /шен хенахь/.

Цара кхийкхира шайн накъосте‚ Цо /шен куьйга/ схьаийцира /шаьлта/‚ /эмкална/ хьекхира.

Муха хилира Сан Iазап а‚ кхерамтасар а?

Оха бахийтира царна тIе цхьа /чIогIа/ мохь −уьш /белла/ бисира, /шен бежнашна/ керт йинчун якъаелла /дечиган/ юьхкаш санна.

Оха атта дира Къуръан дагалаца. Вуй цхьа а дагалоцург?

Харцдира ЛутIан къомо кхерамаш (хьехамаш).

Оха бахийтира царна тIе тIулгаш хьош болу мох‚ ЛутIан доьзал юкъара- боккхуш. Уьш кIелхьарбаьхира Оха сатосуш

Тхайгара къинхетамца. Иштта бекхам бо Оха шукр дечунна.

Цо (ЛутIас) кхерам тесира царна Тхан ницкъаца −цара шеко йира кхерам тасарх.

Цуьнгара (ЛутIера) цуьнан хьеший схьабаха хьевсира уьш−Оха бIаьрса схьаийцира церан‚ /элира/: "ХIинца Iовша шайна Сан Iазап а‚ Сан кхерам а".

Схьалецира уьш Iуьйрана чIагIделлачу Iазапо.

"Iовша шайна Сан Iазап а‚ Сан кхерам а".

Оха атта дира Къуръан дагалаца‚ вуй цхьа а дагалоцург?

ФирIавнан охIлана тIе а баьхкира кхерамчаш.

Цара харцдира Тхан аяташ дерриге а −Оха схьалецира уьш Веза волчун‚ ницкъ Болчун схьалацарца.

Шун цатешарш дика бу царал /хIай къурайшаш/ я шу цIена хиларан бакъо ю Зубурийчохь?

Я цара (Абу ДжахIла и санначара) олу: "Вай дерриг /цхьана хилча/, тоьлур ду /Мухьаммадал/"‚

Берриг /уьш/ эшор бу −бовдур бу уьш.

ХIаъ‚ сахьт (къематде) ду царна тоьхна хан. И сахьт вуно ирча а ду‚ вуно къаьхьа а ду.

Баккъалла а, къинош динарш /дуьненахь/ хьере а‚ /эхартахь/ жоьжахатин цIергахь бегар болуш ма бу.

Оцу дийнахь уьш такхор ма бу шайн яххьий тIехь цIерга. /Эр ду/: "Iовша шайна сакъараххьакхадалар!"

Оха массо а хIума кхоьллина шен барамехь.

Тхан омра-м цхьа /дош/ бен дац, бIаьрнегIар тохар санна.

Оха хIаллакйира шух тера тобанаш −вуй цхьа а дагалоцург?

Массо а цара дина долу хIума Зубурий чохь ду.

Массо а жиманиг‚ массо а доккханиг дIаязделла ду.

Баккъалла а, /Делах/ кхоьруш берш бошмашна чохь а‚ хишкахь а хир бу,

Бакъдергдолчахь‚ Ницкъ болчу Паччахьан (Делан) гергахь /хир бу уьш/.