Къāф. Сийлахь долчу Къуръанора /хьо Делан элча ма ву/.

ХIаъ‚ ма цецбевли уьш шайга шайн юккъера кхерамча варах‚ керстанаша элира: "ХIара тамаше хIума ду:

Вай делча‚ вайх топпархилча‚ /вай дендийр ду бохург/ − иза дукха генара духадерзар ду".

Тхуна хиира мел лаьтто царах дIахьош бу− Тхоьгахь Iалашдеш долу жайнама ду.

Цара харцдира бакъдерг (Къуръан) иза шайга деъначул тIаьхьа‚ тIаккха уьш дукха кегаделлачу гIуллакхехь бу-кх.

Уьш ца хьовсу шайна тIехула /лаьттачу/ стигале‚ муха хIоттийна Оха иза /цхьа а бIогIам а боцуш‚ муха/ хазйина‚ цуьнан цхьа а Iуьрг а ма дац.

Латта а даржина Оха‚ цу чохь дихкина Оха лаьмнаш‚ цу чохь ялийтина Оха массо а хазчу шиннах/ораматаш/.

Гар а‚ хьехам а хилла /хилийтина Оха уьш/ массо а /Тхуна тōбанца/ т1евоьрзачу лена.

Оха доссийра стиглара беркате хилла долу хи‚ цуьнца Оха ялийтина бошмаш а‚ ялтан буьртиг а.

Деха (лекха) хурманан дитташ‚ шайн тIеттIа (мог1аршца) стоьм а болуш.

/Делан/ лешна рицкъ а хилла. Цуьнца (догIица) Оха денбина белла болу мохк. Иштта /хир/ ду /шун кешний чуьра/ арадовлар а.

Харцдира /бакъдолу дин/ царал хьалха Нухьан къомо а‚ Рассандайша а‚ Самудашаа‚

Iадашаа‚ ФирIавно а‚ ЛутIан вежарша а‚

Айкатандайша а‚ ТуббаIанкъомо а /Цара/ массара а харцбира элчанаш − бакъ хилира Сан / царна кхерам тасарца / йина ва1да.

Ницкъ ца кхочуш дисира Тхо хьалха кхолларехь /стигланаш а‚ латта а/? ХIаъ‚ уьш шеконехь бу керлачу кхолларах (денбарх).

Оха кхоьллира адам‚ Тхуна хаьа цуьнан сино кхуьссу васвасалла. Тхо герга ду цунна /шен/ лаган пхал а.

ТIеоьцу /стаго дийриг/ шино тIеоьцучу /малико/, аьтту агIорахь а, аьрру агIорахь а, /шаьш/ хевжина долуш.

Цхьа а дош олуш ма дац цо шена гергахь кийча волу тергал деш верг волуш бен (дIаяздеш малик).

Валаран вахордеара /эхартан гIуллакх/ бакъ хиларца. Иза дара хьо шех водуш (кхоьруш) верг.

Сур лекхира − иза ду ша /Дала керстанашна Iазап дийр ду аьлла/ ваIда йина де.

Деара массо а са шеца дIалоллург а‚ теш а волуш (шеца маликаш а долуш).

Хьо хиллера хьокхунах гIовпал волуш /тидаме ца оьцуш/ − Оха айдира хьан /бIаьргий/ тIера кирхьа − тахана хьан бIаьрса ира хилира.

Элира цуьнан накъосто (цунна тIе хIоттинчу малико): "ХIара ду соьгахь /хьуна/ кечдинарг" − /жоьжахатин Iазап/.

/Омра хир ду/: "Аш шиммо (тIехIоьттинчу маликаша) кхосса жоьжахати чу массо а нуьцкъала /дуьхьал/ волу керста.

Диканах /нах/ духатухуш хилла волу‚ дозанах ваьлла хилла волу‚ /динехь нахе/ шеко йойтуш хилла волу.

Иза ву ша Делаца кхин дела хилийтинарг‚ аш шиммо (омра шина малике ду) кхосса иза чIогIачу Iазапа чу".

Цуьнан накъостоэлира: "Тхан Кхиош-кхобург! Ас ца тилина иза‚ тек иза ша хили-кх генарчу тилар чохь".

Элира /Дала/: "Аш ма къийса Суна гергахь. Ас хьалха /дуьненахь/ бахийтира шуна Сан кхерам.

Дош хийцор дац Суна гергахь. Со вац зуламаш дийр долуш Сан лешна".

Оцу дийнахь Оха эр ду жоьжахатига: "Хьо юьзний?" Цо эр: "Кхин сов буй?" /чубахка/.

Гергаялира ялсамани /Делах/ кхоьручарна гена йоцуш.

ХIара ду шуна хир ду аьлларг- х1ор /тōба дарца/ Далла тIе воьрзучунна‚ /дин/ Iалашдечунна.

Къинхетаме волчух кхоьруш хиллачунна, Иза шена гуш воццушехь‚ Ша /Далла тIе/ доьрзучу дагца веана волчу.

ЧугIо цунна машарца! ХIара ду гуттаренан де.

Царна шайна мел дезарг ду цу чохь. Тхоьгахь тIетоха а ду.

Мел /дукха/ хIаллакйина Оха царал хьалха тIаьхьенаш‚ уьш царал вуно а чIогIа а йолуш ницкъаца. Уьш дIасхьаийдира махкахула‚ юй техьа /валарх/ кIелхьарбовла меттиг?

Баккъалла а, цу чохь хьехам бу-кх шен дог долчунна‚ я ша лерг диллинчунна /ладогIа/, ша теш а волуш.

Оха кхоьллира стигланаш а‚ латта а‚ цу шиннан юккъехь мел дерг а ялх дийнахь‚ Тхох ца хьакхаделира цхьа а кIаддалар.

Ахь собар де цара дуьйцучунна тIехь‚ тасбахь де хьуо Кхиош-кхобург хасторца малх схьакхетале а‚ дIабузале а.

Буьйсанах а − тасбахь де Цунна‚ сужданийн (ламазийн) тIаьхьа а.

ЛадогIа оцу дийнахь кхойкхучун (Исрафил маликан) кхайкхаре (сур лакхаре стигална) герга йолчу меттера (Байтул макъдисера).

Оцу дийнахь царна хозур бу мохь (Исрафил малико шолгIа зурна локхуш юха денбар) бакъдеш. Иза арадовлу де ду /кешнашкара/.

Баккъалла а, Оха денбо‚ Оха болуьйту‚ Тхуна тIе ду дIадерзар а.

Оцу дийнахь латта дедар ду царах, /уьш/ сихлуш /шаьш кхойкхучунна тIе/. Иза гулдар Тхуна атта ду.

Тхо дика хууш ду цара олург. Хьо вац царна тIехь ницкъ бийриг. Хьехам бе Къуръанца Сан кхерамах кхоьруш волчунна.