45 - The Crouching - Al-Jāthiyah .
Хьа-мūм.
Жайна охьадоссор /ду хIара/ веза волчу‚ хьукам /нийса/ деш волчу Делера.
Баккъалла а, стигланашкахь а‚ лаьттахь а делилш ма ду муъмин нахана.
Шу кхолларехь а‚ /массо а лаьттахула/ даьржинчу дийнатехь а делилш ду ша /ч1ог1а/ тешаш долчу къомана.
Буьйса-де хийцадаларехь а‚ Дала стиглара охьадоссинчу рицкъехь а (догIехь а), Ша цуьнца деллачул тIаьхьа латта дендина долчу‚ мох хьийзарехь а делилш ма ду хьекъале болчу нахана.
ХIорш Делан аяташ ду‚ Оха дуьйцу уьш хьуна бакъдолчуьнца. Муьлхачу хабарех Делал а‚ Цуьнан аятел тIаьхьа теша уьш?
/Боккха/ бāлабу массо а къа деш /чIогIа/ харцлуьйш волчунна.
Ша ладугIуш волчу шена тIехь доьшуш долчу Делан аяташка тIаккха чIагIлуш волчу /шен къиношкахь/, кураваьлла шена уьш ца хозучух /ца хезаш санна/ − ахь кхаъ баккха цунналазош долчу Iазапаца.
Шена Тхан аятех цхьа хIума хиъча, − иза схьалоцу цо белам а бой. Уьш (Ан-Надар а, и саннарш а) шайна сийсаза долу Iазап хир дерш бу.
Церан хьалхахьжоьжахати ю. Цара карадинчо а‚ Дела а витина, цара лаьцначу доладийраша а хIумма а кIелхьардоккхур дац царах. Царна деза-доккха Iазап ду.
ХIара бу нийса некъ. Шайн Кхиош-кхобучун аяташ керстадинарш − /уьш бу/ шайна лазош долчух уггар чIогIа Iазап хир дерш.
Дела ву Ша хIорд шуна муьтIахь бинарг цу чухула кема лелийта а Шен омраца‚ шуьга лехийта Цуьнан комаьршаллех /хIордан ниIматаш − чIера‚ маржанаш…/‚ шуьга баркалла алийта /Ша деллачу ниIматашна/.
Шуна муьтIахь дина Цо стигланашкахь мел дерг а‚ лаьттахь мел дерг а − массо а Шегара. Баккъалла а, цу чохь делилш ма ду ойла еш болчу нахана.
Ахь āла ийман диллинчаьрга гечдойла цара Делан деношка дог дохушбоцучарнаЦуьнга бекхам байтархьама нахана шаьш /дуьненахь/ карадеш хиллачуьнца.
Милла велахь дика дина, − цунна шена ду иза‚ милла велахь вон дина, − цунна шена дуьхьал ду иза а. ТIаккха шайн Кхиош-кхобучунна тIе дIадерзор ду шу.
Оха делира Исраилан кIенташка жайна а‚ хьукам а‚ пайхамаралла а‚ рицкъ делира царна цIена долчух‚ Оха базбийра уьш Iаламел.
Оха елира царна /динан/ гIуллакхан билгалонаш. Церан хилпало ма ца хилира шайга Iилма деъначул тIаьхьа бен вовший юккъехь хьагI хиларна. Баккъалла а, хьан Кхиош-кхобучо кхиэл йийр ю царна юккъехь къематдийнахь шайн шеца хилпало хиллачохь.
ТIаккха хьо /я Мухьаммад/ хилийтина Оха /динан/ гIуллакхан бакъонехь− цунна тIаьхьахIотта‚ ца хууш болчеран дезаршна тIаьхьа ма хIотта.
Баккъалла а, цара Делера хIумма а кIелхьардоккхур дац хьуна. Баккъалла а, зуламхой - церан цхьаберш вукхарийн гIоьнчий бу хьуна. Дела ву /Шех/ кхоьруш болчеран гIоьнча.
ХIара − билгалонаш ю /бIаьрг беллош/ нахана‚ нийса некъ а бу‚ къинхетам а бу /ч1ог1а/ тешаш долчу къомана.
Къинош летийначарна моьттина-те Оха шаьш ийман диллинчаьрца‚ дика Iамалш йиначаьрца цхьанийсса хуьлуьйтур ду − шайн денбалар а‚ балар а? Вон хили цара деш долу хьукам.
Дала кхоьллина стигланаш а‚ латта а бакъдолчуьнца‚ хIор синна ша карадинчуьнца бекхам хилийтархьама а‚ царна /цхьанна а цадинарг бахьанехь/ зулам дийр дац.
Хьуна гой и шена дезарг шен дела лаьцнарг? Дала тилавала витина иза шен хаарца‚ Цо мухIар тоьхна цуьнан хазарна а‚ дагна а тIе‚ цуьнан бIаьрсана тIе кирхьа диллина Цо. ТIаккха иза хьан нисвийр ву Делал тIаьхьа? Аш ойла ца йо?
Цара элира: "ХIара вайн дуьненан дахар бен кхин дахар дац. Ло /вайн цхьаберш/‚ дуьнен чу бовла /цхьаберш/‚ вай хIаллакдийр ма дац замано бен". Церан ма дац цуьнца цхьа а Iилма. Уьш /беккъа иштта/ моьттуш бу.
Царна тIехь Тхан билгала долу аяташ дешча‚ церан делил ма ца хилира цара алар бен: "Схьабалабе тхан дай, шу бакълуйш хиллехь".
Ахь āла: "Дала дендийр ду шу‚ тIаккха Цо долуьйтур ду шу‚ тIаккха гулдийр ду шу къематдийне‚ шена чохь шеко йоцчу"‚ делахь а, дукхах болчу нахана ца хаьа-кх.
Делан ду-кх стигланийн а‚ лаьттан а паччахьалла. Сахьт хIоттинчу дийнахь − оцу дийнахь оьшур ма бу харцберш.
Хьуна гур ма ду массо а уммат горх1оьттина. ХIор уммат кхойкхур ма ду шен жайна тIе − тахана шуна бекхам бийр ма бу аш деш хиллачуьнца.
ХIара ду Тхан жайна, тешалла дийр долуш шуна т1ехь бакъдолчуьнца. Баккъалла а, Тхо хилира дIаяздеш аш деш хилларг.
Ийман диллинарш а‚ дика Iамал йинарш а − уьш буьхкур бу шайн Кхиош-кхобучо Шен къинхетамна чу. Иза билгала болу толам бу-кх!
Ткъа цатешнарш- /цаьрга эр ду/: "Сан аяташ ца хилира шуна тIехь доьшуш? Т1аккха аш куралла ма йийра − шух къинош деш долу къам хилира".
/Шуьга/ элча: "Баккъалла а, Делан ваIда бакъ ю‚ сахьт /хIуттур ду/‚ шеко яц цу чохь"‚ аш элира: "Ца хаьа тхуна‚ сахьт хIун ду а‚ вайна хуург-м цхьа моттар бен дац‚ баккъалла а, тешаш ма дац тхо /эхартах/".
Гучуделира царна шаьш дина хилла вонаш‚ хьакхаделира царах уьш шех ца бешаш хилларг.
Элира /цаьрга/: "Тахана Тхуна шу дицделла‚ шуна хIокху денна дуьхьалкхетар дицдаларх терра. Шун чугIойла /жоьжахатин/ цIе ю‚ вац шуна г1оьнчех цхьа а ".
Иза ду /шуна/ аш Делан аяташ беламе лаьцна хиларна а‚ дуьненан дахаро шу Iехорна а. Тахана уьш арабохур бац цу чуьра‚ цаьрга тōба дар а доьхур дац.
Далла бу хастам‚ стигланийн Да волчу‚ лаьттан Да волчу‚ Iаламийн Да волчу.
Цуьнан ду сийлахь-доккхалла стигланашкахь а‚ лаьттахь а‚ Иза ву веза верг а‚ хьукам /нийса/ деш верг а.