Хьа-мūм.

/ХIумнаш билгалдохучу/ билгалчу жайнаца дуй боу Ас.

Баккъалла а, Оха доссина иза беркате йолчу буьйсана. Баккъалла а, Тхо хилира кхерам тосурш /цуьнца/.

Цу (Къуръана) чохь къастадо массо а хьекъале долу гIуллакх.

Тхан агIорхьара г1уллакх. Баккъалла а, Тхо хилира бохкуьйтурш

Къинхетам а хилла хьан Кхиош-кхобучуьнгара. Баккъалла а, Иза хозуш верг а ву‚ хууш верг а ву.

Стигланийн а‚ лаьттан а‚ цу шиннан юккъехь мел долчун а Да /ву Иза/‚ шу /ч1ог1а/ тешаш хиллехь.

Вац цхьа а дела Иза воцург‚ Цо денбо‚ Цо болуьйту‚ шун Кхиош-кхобург ву Иза‚ шун хьалхалера дайн а Кхиош-кхобург ву Иза.

ХIаъ‚ уьш шекончохь ловзаш ма бу.

Ахь тергал де стигло билгала кIурбахьар болу де.

Нах д1ахьулбийр бу цо. /Цара эр ду/: "ХIара лазош долу Iазап ду".

"Тхан Кхиош-кхобург‚ айдехь тхуна тIера хIара Iазап. Баккъалла а, тхо иман диллина ду-кх".

Мичара бу царна хьехам? Цаьрга веара ма-й билгала волу элча.

ТIаккха уьш дIабирзира цунах‚ цара элира: "Жинийх волуш шена /наха Къуръан/ Iамийнарг ву /хIара Мухьаммад /".

Баккъалла а, Оха айдо Iазап кIеззиг −шу юха а тIедоьрзу /шайн керстаналлина/.

Оха боккхачу ницкъаца /Iазапе/ лоцур дончу дийнахь−баккъалла а, Оха чIир оьцур ю.

Царал хьалха а питане лецира Оха ФирIавнан къам −цаьрга веара /Делан/ сийлахь элча (Муса).

"ДIало соьга Делан леш/олуш/‚ баккъалла а, со шуна тешаме элча ма ву.

Хьаладовла (курадовла) ма гIерта Далла‚ баккъалла а, ас шуна деана билгала долу делил.

Баккъалла а, со ларвелла сан Кхиош-кхобучуьнца‚ шун Кхиош-кхобучуьнца аш суна тIулгаш деттарх (аш со верах).

Шу сох ца тешахь‚ со суо вита".

/ТIаккха/ цо (Мусас) шен Кхиош-кхобучуьнга кхийкхира: "ХIара къам къинош деш ма ду"‚ /аьлла/.

/ТIаккха элира Дала/: "ДIагIо сан лешца (Исраилан кIенташца) буьйсана‚ баккъалла а, уьш/шуна/ тIаьхьабовлур бу хьуна.

ХIорд бекъабеллачахьбита‚ баккъалла а, уьш /хIорда/ бухагIур долу эскар ма ду".

Мел /дукха/ бухадити цара бошмаш а‚ шовданаш а‚

Ялташ а‚ /хийла/ сийлахь меттиг а‚

Шаьш шеца зовкх хьоьгуш хилла долу /мел дукха/ ниIматаш а.

Иштта /хилира церан чакхе/. Оха уьш ирсана дIеделира кхечу къомана.

Стигал а, латта а ца дилхира царна тIехь‚ тIаьхьа ца таьттира уьш /Iазапах/.

Оха кIелхьарбехира Исраилан кIентий сийсазачу Iазапах‚

ФирIавнах. Баккъалла а, иза хьалаваьлларг хилира тIаламазачарах.

Оха уьш (Исраилан кIентий) хаьржира Iилмаца/массо а/ Iаламел.

Оха цаьрга делира аятех шайна чохь билгала бāла берш а.

Баккъалла а, хIорш (къурайшаш) олуш ма бу:

"Вайн цхьа дуьххьарлера далар бен дац‚ вай гIовтор дац /деллачул тIаьхьа/.

Схьабалабе тхан дай, шу бакълуьйш хиллехь".

Уьш дика бу я ТуббаIанкъам а‚ царал хьалха хилларш а дика бу? Оха уьш хIаллакбира. Баккъалла а, уьш къинош деш хилира.

Оха ловзашца кхоьллина стигланаш а‚ латта а‚ цу шиннан юккъехь мел дерг а.

Оха ца кхоьллина уьш бакъдолчуьнца бен‚ делахь а, царах дукхахболчарна ца хаьа-кх.

Баккъалла а, къасторанде −царна массарна а хан тоьхна ма ду.

Оцу дийнахь гергарчо духатухур дац гергарчух хIумма а‚ царна гIо дийр дац.

Дала шех къинхетам биначунна а бен. Баккъалла а, Иза веза верг а ву‚ къинхетаме верг а ву.

Баккъалла а, и Заккъумолу дитт -

Къинош дечун кхача бу.

Лалийначу аьчгах тера кхехкар бу иза геш чохь‚

Кхехкина хи кхахкарх терра.

/Мохь хир бу/: "Схьалаца иза‚ дIакхосса иза жоьжахатина юккъе.

ДIадотта цуьнан коьртана тIехула лалийначу хин Iазап".

Iовша хьайна! Баккъалла а, хьо /хIай керста/ веза верг ву‚ сийлахь верг а ву /хьуна маттарца‚ хьан дашца а/.

Баккъалла а, хIара ду аш шеца шеко йинарг".

Баккъалла а, /Делах/ кхоьруш берш −тешамечу меттигехь хир бу.

Бошмашкахь а‚ шовданашкахь а.

ТIедухур ду цара дуьткъачу дарих а‚ стоммачу дарих а, вовшийн дуьхь-дуьхьал хIуьттуш.

Иштта Оха бāлор бу царна хаза бIаьргашберш.

Кхойкхур ду цара хIора стоьме, /уьш кхачалур цахиларх, массо а халонех/ тешаме а болуш.

Цу чохь валар Iовшур дац цара −дуьххьарлера /дуьненахь хилла/ валар доцург −Цо ларбира уьш жоьжахатин Iазапах

Хьан Кхиош – кхобучуьнгара комаьршаллица. Иза бу-кх сийлахь-боккха толам.

Баккъалла а, Оха атта дина иза /Къуръан/ −хьан маттахьа долуш −уьш кхетар бацаре-те.

Хьо хьажа /хIай Мухьаммад, царах хIун кхиар ду/, уьш а хьовсуш бу /хьо хIаллакхиларе - тIаьхьа хуур ду, хьан хир ду гIо дуьненахь а эхартахь а/.