37 - Those who set the Ranks - Aş-Şāffāt .
/Ас дуй боу/ могIаршкахь лаьттачарахмогIица.
/Ас дуй боу/ лохкучарахлахкарца.
/Ас дуй боу/ хьехам боьшучарах:
Баккъалла а, шун Дела цхьаъ ву.
Стигланийн а‚ лаьттан а‚ цу шиннан юккъехь мел долчун а Да ма ву Иза‚ малхбалийн а Да ма ву Иза.
Баккъалла а, Оха хаздина гергара стигал седарчийн хазаллица а,
Iалашдарца а массо а карзахдаьллачу шайтIанах.
Цара ладугIур дац Лакхарчу Кхеташоне‚ духатухур ду массо а агIорхьара
Генадаккхарца‚ ткъа царна ду цкъа а хедар доцу Iазап.
Сихха /цхьа дош/ схьалаьцнарг доцург‚ т1аккха цунна а тIаьхьакхуьу /стиглара/ охьабужу цIе туху седа.
Ахь хаттал цаьрга: "Уьш бу вуно чIогIа кхолла‚ я Оха кхоьллинарг ду?" Баккъалла а, Оха кхоьллина уьш (церан бух −Āдам) леташ болчу топпарах (поппарах).
ХIаъ‚ цецваьлла хьо, уьш ца бешаш бу /хьан цецваларх/.
Шайна /Къуръанца/ кхерам тесчи а, цара тидам ца бо.
Шайна делил гича а, тIех ца бешаш хуьлу.
Цара элира: "ХIара билгала бозбуунчалла а бен дац.
Вай делча‚ вайх топпар (поппар) а‚ т1ехкаш (даьIахкаш) а хилча, вай юхадендийр ду?
Я вайн хьалхалера дай?"
Ахь āла: "ХIаъ‚ шу кIелдуьсур ма ду".
Иза-м цхьа азбен дац −уьш хьоьжуш хир бу.
Шаьш олуш: "Ма бала бу вайна! ХIара ду-кх и бекхаман де".
"ХIара ду-кх и къастаран де‚ аш ша харцдеш хилла долу".
"Схьагулбе и зулам динарш а‚ церан зударий а‚ цара /шайна/ Iибадат деш хилларш а,
Дела а витина. ДIанисбе уьш жоьжахатин новкъа!
Совцабе уьш −цаьрга барт хоттур бу!"
"Шуна хIун хилла? Вовшашна гIо деш ма дац шу?"
ХIаъ‚ уьш тахана мукIар хилла.
Царах цхьаберш т1ебирзи вукхарна, хоьттуш.
Олуш: "Шу ма дара тхуна тIедогIуш аьтту агIорхьара".
/Вукхара/ эр: "ХIаъ‚ шу шаьш ца хилира тешаш /Делах/.
Тхан шуна тIехь цхьа а ницкъ бацара. ХIаъ‚ шу шаьш хили тIехдаьллакъам.
Тхуна тIехь бакъ хили тхан Кхиош-кхобучун дош. Баккъалла а, оха Iовшур ду-кх /Iазап/.
Оха шу а тили-кх‚ баккъалла а, тхо тхаьш а хилла-кх тиладелла".
Баккъалла а, уьш оцу дийнахь Iазапехь /цхьанна/ декъах хир бу.
Баккъалла а, Тхо иштта до/1азап/ къинош диначарна.
Баккъалла а, уьш хилира шайга аьлча: "Кхин дела вац АллахI бен", курабуьйлуш.
Цара олура: "Оха буьтура ткъа тхан делий жинех волчу илланчиндуьхьа".
ХIаъ‚ иза-м веана бакъдолчуьнца‚ цо бакъбина баийтинарш.
Баккъалла а, аш Iовшур ма ду лазош долу Iазап.
Шуна бекхам хир ма бац аш деш хилларг бен.
Делан сов цIена леш боцучара. (Царна хир дац 1азап).
Царна −девзаш долу рицкъ ду −
Стоьмаш‚ церан сийдеш хир ду
НиIматийн бошмашкахь.
Маьнганий тIехь вовшийн духь-дуьхьал лаьтташ.
Царна /тIехьийзаш/ го боккхур бу /бераша/ шовдана чуьра /ихачу/ чагIаран кадаца.
КIайн‚ чоме /малар/ долуш молучарна.
Цу чохь /хьекъал/ талхар а дац /корта лезаш/‚ уьш цунах бехар а бац.
БIаьрса лоцу долуш бIаьргаш баккхий болу/хаза зударий/ хир бу церан.
Шаьш хьуламехь долчу хIоахтера.
Царах цхьаберш вукхарна дуьхьал гIур бу, хоьттуш.
Эр ду царах олучо: "Баккъалла а, сан цхьа накъост ма вара /дуьненахь долуш/.
Цо олура: "Баккъалла а, хьо /пайхамараш/ бакъбечарах ву?
Вай делча‚ вайх поппар (топпар) а‚ даьIахкаш (т1ехкаш) а хилча, вай бекхаме узур ду?"
Цо элира: "Шу хьовсий?"
Иза хьаьжира‚ тIаккха цунна иза жоьжахатина юккъехь гира.
Цо элира: "ТаллахIи‚ /цхьана маьIIара/ со хIаллаквеш ма лаьттара ахь.
Сан Кхиош-кхобучун ниIмат ца хиллехьара, со хир ма вара /хIоккхахь/ лаьттачарах".
/Ялсаманин охIлано эр ду, уьш бахьош/: "Вай лийр долуш дац?
Вайн цкъа далар а бен‚ вайна Iазап дийр долуш а дац?
Баккъалла а, хIара бу-кх сийлахь-беза толам.
Ишттачун дуьхьа къахьоьгийла къахьоьгучара".
Ткъа иза ду дика тIедосса /хьошалгIа/‚ я заккъумдитт ду?
Баккъалла а, Оха иза хилийтина питна хилла зуламхошна.
Баккъалла а, иза ду жоьжахатина бухахь арадолу дитт.
Цуьнан стоьмаш бу шайтIанийн кортош санна.
Баккъалла а, цара цунах дуур долуш а ду‚ гайнаш юзор йолуш а ю цунах.
ТIаккха баккъалла а, царна цунна тIе /тоьхна/ цIийдина хи ду.
ТIаккха баккъалла а, церан дIадерзар жоьжахате ду.
Баккъалла а, царна карийра шайн дай а тилабелла /царна тIаьхьабаьзира уьш/.
Уьш церан лорах лехкира. (Дуьненахь болуш шайн дайша дина къинош дира цара а).
Тилабелира царал хьалха дуьххьар хиллачарах дукхахберш.
Оха бахийтира цаьргахь кхерамчаш.
Хьажал‚ муха хилла шайна кхерам тесначеран тIаьхье.
Делан сов цIена леш боцучеран.
Тхоьга кхийкхира Нухьас −ма дика жоп луш дерш ду /Тхо/.
Оха кIелхьарваьккхира иза а‚ цуьнан доьзал а боккхачу балих.
Оха хилийтира цуьнан зуьррет −иза бухадуьсург.
Оха цунна дитира /хаза хаставар/ тIаьхьенашкахь.
Салам ду Нухьана Iаламашкахь.
Баккъалла а, Оха иштта бекхам бо дикачарна.
Баккъалла а, иза ву Тхан муъмин лешех.
ТIаккха Оха хи бухабахийтира бисинарш.
Баккъалла а, цуьнан тобанах ма ву ИбрахIим а.
Дагадаийта! Иза веара шен Кхиош-кхобучунна тIе цIенчу дагца.
Дагадаийта! Цо аьллера шен дега а‚ шен къоме а: "ХIун ю аш Iибадат деш ерг?
Харцдерг делий /лаца/ лаьа шуна, АллахI- Дела а вуьтий?
ХIун ду шуна моьттург Iаламийн Дех?"
Иза хьежира хьажарца седарчашка.
ТIаккха цо элира: "Баккъалла а, со цомгуш ву".
Уьш дIабирзира цунах‚ букъ берзина.
Иза тIевирзира церан делашна‚ цо элира: "Аш ца юу?
Шуна хIун хилла‚ дист ца хуьлу шу?"
Иза тIевирзира царна, тухуш аьтту куьйгаца.
Уьш дуьхьалкхийтира цунна бевда беана.
Цо элира: "Аш Iибадат до ткъа шаьш тостуш йиначарна?"
Дела ма ву шу кхоьллинарг а‚ аш деш дерг а /кхоьллинарг а/".
Цара элира: "Ē цунна гIишло‚ чу кхосса иза егачу цIарга!"
Царна лиира цуьнца мекарло ян‚ Оха хилийтира уьш кIелбисинчарах.
Цо (ИбрахIима) элира: "Баккъалла а, со воьду сан Кхиош-кхобучунна тIе. Цо нисвийр ву со.
Сан Кхиош-кхобург‚ суна дикачарах /доьзалхо/ лōлахь".
Оха цунна кхаъ баьккхира тIех собаре кIантаца.
Иза цуьнца (ИбрахIимца) сиха лелалучу хьоле кхаьчча‚ цо (ИбрахIимо) элира: "ХIай сан кIаьтиг‚ баккъалла а, суна го гIенах ас хьуна /гIурбанна/ урс хьокхуш‚ хьажал‚ хьуна хIун хета". Цо элира: "Дада‚ хьайга омра деш дерг де‚ хьуна со карор ву‚ Дала мукъалахь‚ собар дечарах".
И шиъ /Далла/ муьт1ахь хилча‚ цо (ИбрахIима) иза хьаж тIе виллича‚
Оха цуьнга кхийкхира: "ХIай ИбрахIим!
Бакъхилийти ахь гIан". Баккъалла а, Оха иштта бекхам бо дикачарна.
Баккъалла а, хIара −иза ду-кх билгала долу зер.
Оха текхира цунах сийлахь-деза гIурба.
Оха дитира цуьнан /цIе яккхар а‚ и хаствар а/ тIаьхьабогIучаьргахь.
Салам-маршалла ду ИбрахIимна.
Оха иштта бекхам бо дикачарна.
Баккъалла а, иза ву Тхан муъмин лешех.
Оха кхаъ баьккхира цунна Исхьакъаца‚ −дикачарах пайхамарца.
Оха декъалвира иза а‚ Исхьакъ а. Цу шиннан зуьрретах диканиг а ву‚ ша шена билгала зуламхо а ву.
Мусах а‚ ХIарунах а бинера Оха /боккха/ къинхетам.
КIелхьарваьккхира Оха и шиъ а‚ цу шиннан къам а боккхачу бāланах.
Царна гIо дира Оха −уьш хилира тоьлларш.
Оха делира цу шинга билгала долу жайна.
Оха нисвира и шиъ нийсачу новкъа.
Оха дитира цу шиннан /хаза цIе яккхар/ тIаьхьабогIучаьргахь.
Салам-маршалла ду Мусага а‚ ХIаруне а.
Баккъалла а, Оха иштта бекхам бо дикачарна.
Баккъалла а, и шиъ Тхан муъмин лешех ву.
Баккъалла а, Ильяс а ма ву бахкийтинчарах.
Цо ма элира шен къоме: "Шу /Делах/ ца кхоьру?
Аш кхойкху ткъа БаIлага‚ уггар дика кхоллархо а вуьтий?
АллахI −шун Дела а, шун хьалхалера дайн Дела а вуьтий?"
Т1аккха цара иза харцвира – баккъалла а, уьш хьалхах1оттор ма бу /жоьжахатина, 1азапана/.
Делан сов цIена леш боцурш.
Оха дитира цунна /хаза цIе яккхар, наха хаставар/ тIаьхьабогIучаьргахь.
Салам-маршалла ду Ил-йāсūна.
Баккъалла а, Оха иштта бекхам бо дикачарна.
Баккъалла а, и Тхан муъмин лешех ву.
Баккъалла а, ЛутI а ву бахкийтинчарах.
Оха кIелхьарваьккхира иза а‚ цуьнан берриг доьзал а.
/1азапехь/ бисинчарна юккъехь хилла йолу /Лут1ан зударех/ цхьа йоккха стагйоцург.
ТIаккха Оха бохийра биснарш.
Баккъалла а, шу лелаш ма дуй царна юххехула Iуьйрана а‚
Буьйсана а. Шу хьекъале ца хуьлу?
Баккъалла а, Юнус а ву бахкийтинчарах (элчанех).
Ведара иза дуьззинчу кемана тIе.
Цо кхаж тесира /царца/ −иза эшначарах хилира.
И кхеллира чIеро и бехке а волуш.
Баккъалла а, иза ца хиллехьара тасбахь дечарах
Вуьсара ма вара цуьнан кийрахь уьш юхадендечу /къемат/дийне кхаччалц.
Кхоьссира Оха иза ара (яьссачу меттиге), цомгуш а волуш.
Оха далийтира цунна туьтен (гIабакхан) дитт.
Оха вахийтира иза бIе эзарна (дуккха нахана тIе) я совболчаьрга.
Цара ийман диллира −Оха цхьа хан тIекхаччалц бахам белира царна.
Ахь хаттал цаьрга: "Ткъа хьан Кхиош-кхобучунна мехкарий бу‚ ткъа царна кIентий бу.
Я Оха кхоьллина маликаш зударийн /жинсах / царна гуш?"
ХIан-хIа! Баккъалла а, шайн эладитанах дуьйцуш ма ду и цара
Дала бер дина /бохуш/ −баккъалла а, уьш харцлуьйш ма бу.
Мехкарий хаьржина Цо кIентел‚ /бохуш/?
ХIун ду шуна‚ муха хьукам до аш?
Ойла ца йо аш?
Я шун билгала бакъо ю?
Схьало шайн жайна, шу бакълуьйш хиллехь.
Царахилийтира Цуьнан а‚ жинийн юкъахь гергарло. Жинашна хиира уьш дIахIотторбуйла.
ЦIена ву и Дела цара дечу /харц/ сибатах.
Сов цIена Делан леш боцурш /жоьжахатина хьалха дIахIоттор бу/.
Баккъалла а, аша а‚ аш /шена/ Iибадат дечо а −
Аш питне лоцур ма вац
Ша жоьжахатехь вегар верг бен.
Тхох ма дац цхьа а шена билгала меттиг йолуш бен.
Баккъалла а, тхо могIарш бина ду (лаьтташ 1ибадатехь мог1аршца ).
Баккъалла а, тхо тасбахь деш ду.
Уьш(Маккара керстанаш) хиллехь а олуш:
"Тхоьгахь хьехам хиллехьара хьалхалерачаьргара‚
Тхо хир дара Делан сов цIена леш".
Керстаналла дина цара цунна (Къуръанна)‚ тIаьхьа хуур ду царна.
Хьалхадаьлла Тхан дошТхан бахкийтинчулешка.
Баккъалла а, уьш −уьш бу шайн гIо дийр дерш.
Баккъалла а, Тхан эскар (муъмин нах) −и ду толамхо.
Д1аверза царахцхьа хан яллалц.
Гайта цаьрга /царна Iазап дуссуш/ −тIаьхьа гур ду царна /шайн керстаналлин бекхам/.
Ткъа Тхан Iазапца а сих ло уьш?
Иза (Iазап) доьссича, церан керташка (аренга) −ма вон хилла-кх шайна кхерам тесначеран Iуьйре.
Д1аверза царах цхьа хан яллалц.
Гайта −тIаьхьа гур ду царна.
ЦIена ву хьан Кхиош-кхобург - сийлаллин Эла −цара /Шена т1ехь/ кхуллучу /харц/ сибатех.
Салам-маршалла ду элчанашна.
Хастам бу Далла −Iаламийн Дена.