19 - Mary - Maryam .

Каф-хIа-йа-Iайн-сод.

Шен лех Закарийах хьан Кхиош-кхобучо /бина болу/ къинхетам хьехор /ду хIара/.

Хьахаде! Цо кхайкхира шен Кхиош-кхобучуьнга къайлаха кхайкхарца.

Элира: "Сан Кхиош-кхобург (сан везан Дела)! Баккъалла, сан даьIахкийн г1ора дайна /со къанваларца/‚ /сан/ корта буьзна къоьжачу чоьша‚ со ца хилира Хьоьга кхайкхарехь‚ /везан/ Дела‚ декъазниг (Ахь сан доIина жоп ца луш ца вуьтура со – жоп лōхьа суна хIинца а).

Со кхоьру сол тIаьхьа буьсучу сан гергарчарах/цара Хьан дин дIатасарна/‚ зуда а хили сан бер ца хуьлуш‚ лōхьа суна Хьайгара /дика/ доьзалхо.

Сан ирс оьцур цо‚ ЯIкъубан доьзалан ирс а оьцур цо‚ Ахь хилийталахь иза‚ со кхиош-кхобуш волу сан Дела‚ /Хьо шена/ реза волуш".

"ХIай Закарийа! Оха кхаъ боккху хьуна кIантаца‚ шен цIе Яхья йолчу. Ца хилийтина Оха цул хьалха и цIе ерг".

Цо элира: "Со Кхиош-кхобург‚ мичара хир вара суна кIант?! Сан зуда а бер ца хуьлуш ма ю‚ со а воккхаллехь дукха тишвелла".

/Делан малико/ элира: "Иштта аьлла хьан Кхиош-кхобучо: "И Суна /дукха/ атта ду‚ хьо а кхоьллина Ас хьалха‚ хьо хIумма а ма яцара".

Цо (Закарийас) элира: "Со Кхиош-кхобуш волу сан Дела‚ цхьа билгало хилийтахь суна!" Элира: "Хьуна билгало ю-кх ахь нахе нийсса кхаа буьйсанна хабар цадийцар".

ТIаккха шен нах болчу аравелира иза михьрабачуьра‚ цо цаьрга хаийтира ишар ярца: "Тасбахь делаш /Далла/ Iуьйранца а‚ суьйранца а"‚−аьлла.

/Дала элира/: "ХIай Яхья! Схьаэца жайна ницкъица!" Оха делира цуьнга хьукам и жимакIант волуш.

Тхоьгара къахетар а‚ цIеналла а/дара иза/. И хилира /Делах/ кхоьруш а,

Дена-нанна дика а /хилира и/‚ и вацара /нахана/ ницкъ бийриг а‚ Iеса верг а.

Салам ду цунна и дуьнена ваьллачу дийнахь а‚ и лийр волчу дийнахь а‚ и юха /гIаттийна/ денвийр волчу дийнахь а.

Ахь хьахае жайна чохь Марьям. Жимма генаелира иза шен нахах малхбалечу меттиге.

ТIаккха цо лецира шена царна дуьхьал пардо. Оха дахийтира цунна тIе Тхан Са‚ и тарделира цунна нийса долчу адамах.

Цо (Марьяма) элира: "Со Къинхетам болчуьнца /Делаца) ларло хьох‚ хьо /Делах/ кхоьруш хиллехь".

Цо (Джабраил малико) элира: "Со хьан Кхиош-кхобучун элча ву‚ хьуна цIена кIант вала веана".

Цо (Марьяма) элира: "Мичара хир ву суна кIант! Сох адам а хьакха ца делла‚ со нахаца лелаш а ца хилла".

Цо элира: "Иштта аьлла хьан Кхиош-кхобучо: "И суна атта ду". И (Iиса пайхамар дуьненчу вāлар) хуьлуьйтур ду Оха нахана делил а‚ Тхайгара къинхетам а. ГIуллакх кхочушхилла".

И цунахберах йисира‚ тIаккха и цуьнца генаелира генарчу меттиге.

Бер деш лазар дāро и ялийра хурман диттан гIад долчу‚ цо элира: "Елла елахьара со хIокхул хьалха, – йицъелла яьлла хир яра со!"

Цо (Джабраил малико) цуьнга кхайкхира цуьнан (хурман дитта) кIелара: "ГIайгIане ма йожа‚ хьан Кхиош-кхобучо хьуна бухахь /хин/ татол хилийтина.

ДIасаластаде хьайна хурман диттан гIад‚ цо егор ю хьуна мадъелла тIеда хурманаш.

Даа‚ мала‚ йоккхае (йоккха еда). Хьайна нахах милла гахь а‚ āла: "Со Къинхетам болчунна (Дала) марха лаца ваIда йина ю‚ со тахана йист хир яц цхьанна адаме ".

ТIаккха и яхара цуьнца (бераца Iийсаца) шен нах болчу‚ ша и хьош /шен карахь/‚ цара элира: "ХIай Марьям‚ ма тамаше хIума деана ахь!"

"ХIай ХIарунан йиша! Хьан да ма ца хилла вон стаг‚ хьан нана а ма ца хилла нахаца лелаш".

Цо (Марьямо) цуьнгахьа (шен кIант Iийсагахьа) ишар йира. Цара элира: "Тхо муха дист хуьлу ша аганчохь долчу бере?"

Цо (жимчу берас-Iийсас) элира: "Со Делан лай ву. Цо соьга жайна делла‚ Цо сох пайхамар хилийтина.

Цо со беркате хилийтина со миччахь велахь а. Суна весет дина Цо ламаз а‚ закат а, со дийна мел лаьтта,

Сан нанна дика хилар а. Цо ца хилийтина со /нахана/ ницкъбийриг а‚ декъазниг а.

Салам ду суна дуьнена ваьллачу дийнахь а‚ лийр волчу дийнахь а‚ юха /гIаттийна/ денвийр волчу дийнахь!"

Иза ву Iийса‚ Марьяман кIант – бакъонан дош‚ цара шена чохь шеко еш долу.

Далла ца хилла /там болуш/ цхьа а доьзалхо лāца. Вонах цIена ву Иза. Ша цхьа гIуллакх кхочушдеш‚ Цо цуьнга олу: "Хила!" – иза хуьлу.

" Баккъалла а, АллахI – Дела сан Кхиош-кхобург ву‚ шун Кхиош-кхобург а ву‚ Цунна Iибадат дейша. ХIара бу нийса некъ".

Оцарах тобаний юккъехь хилпалонашхилира: бāла бу ца тешаш хиллачарна деза-доккхачу /къемат/ дийнахь гур долчух.

Ма билгала хозур ду царна, ма къаьггина гур ду царна шаьш Тхуна тIедаьхкинчу /къемат/ дийнахь! Делахь а, зуламхой тахана билгалчу тилар чохь ма бу.

Кхерам таса царна баланан /къемат/ дийнаца‚ гIуллакх кхочушхилла уьш тидама чохь боцуш‚ уьш ца тешаш болуш.

Баккъалла а, Оха ирсана оьцу латта а‚ цунна тIехь мел верг а‚ Тхуна тIе юхаберзор болуш бу уьш а.

Хьахаве жайна чохь ИбрахIим. Баккъалла а, иза хилла т1ех бакълуьйш верг а‚ пайхамар а.

Хьахаде! Цо аьллера шен дега: "Дада‚ ахь хIунда Iибадат до шена /х1умма а/ ца хозучунна‚ шена /х1умма а/ ца гучунна‚ ша хьо цхьана а хIуманах кIелхьарвоккхур воцчунна?

Дада‚ соьга деана Iилманах хьоьга цадеънарг‚ суна тIаьхьахIотта – ас нийсачу новкъа вуьллур ву хьо.

Дада‚ шайтIанна Iибадат ма дехьа. Баккъалла а, шайтIа Къинхетам болчунна (Далла) Iеса хилла.

Дада‚ со кхоьру Къинхетам болчуьнгара Iазапо хьо схьалацарна – тIаккха хьо шайтIанан доттаг1 хир ма ву".

Цо (ИбрахIиман дас) элира: "Ткъа хьо къаьхка сан делех‚ хIай ИбрахIим? Хьо ца сацахь‚ ас хьуна деттане а тIулгаш деттар ма ду. Генавала суна цхьана ханна!"

Цо (ИбрахIима) элира: "Салам ду хьуна. Ас гечдар доьхур ду хьуна сан Кхиош-кхобучуьнга. Баккъалла а, Иза хилла соьца дукха дика.

Шух а дIакъаьста со‚ аш‚ Дела а витина‚ шена Iибадат дечух а. Ас Iибадат до сан Кхиош-кхобучунна‚ со ца хила тарло сан Кхиош-кхобучунна Iибадат дарца декъазниг".

Иза царах а‚ Дела а витина‚ цара шена Iибадат дечух а дIакъаьстича‚ Оха цунна велира Исхьакъ а‚ ЯIкъуб а – хIораннах хилийтира Оха пайхамар.

Оха делира царна Тхан къинхетамах /даьхни а‚ доьзал а/‚ Оха хилийтира царна бакъдолчун мотт лекхачу даржехь.

Хьахаве жайнахь Муса. Баккъалла а, иза вара /Дала Шена/ къастинарг‚ иза вара элча а‚ пайхамар а.

Оха цуьнга кхайкхира ламананаьтту агIорхьара‚ гергавалийра иза къайлахчу къамелана.

Оха Тхан къинхетамах /совг1атна/ велира цунна шен ваша ХIарун пайхамар хилла.

Хьахаве жайнахь ИсмаIил. Баккъалла а, иза вара ваIда бакъйеш верг‚ и вара элча а‚ пайхамар а.

Иза хуьлура шен охIланна омра деш ламазций‚ закатций‚ и вара шен Кхиош-кхобучунна гергахь шена /Иза/ реза верг.

Хьахаве жайнахь Идрис. Баккъалла а, иза вара т1ех бакълуьйш верг а‚ пайхамар а.

Оха хьалаваьккхира иза лекхачу меттиге.

Уьш бу Āдаман зуьрретах болу Оха Нухьаца лелийначарах а‚ ИбрахIиман а‚ Исраилан а зуьрретах а‚ Оха шаьш нисбинчарах а‚ хаьржинчарах а болчу пайхамарех Дала шайна ниIмат делларш. Шайна Къинхетам болчун аяташ дешча, – гора гIора уьш сужд дарций‚ белхарций.

Царал тIаьхьа цхьа тIаьхье хилира ша ламаз дойуш‚ /дег1ан/ шовкъашна тIаьхьахIуьттуш. Т1аьхьа бегар бу уьш тилар чу /и бахьанехь дуьненахь а, эхартахь а бекхам хир бу царна/.

Тōба динарг а‚ ийман диллинарг а‚ дика Iамал йинарг а воцург. Уьш ялсамани чу гIур бу‚ царна хIумма зулам дийр дац.

Iаднан бошмашна чу‚ Къинхетам болчо Шен лешна /цара и шайна/ гуш а йоцуш /цунна 1амал ярна/ ваIда йина йолчу. Баккъалла а, Иза вара Шен ваIда кхочушхир йолуш.

Царна цу чохь деса хабар хезар дац‚ "Салам"бен‚ царна шайн рицкъ хир ду цу чохь Iуьйранна а‚ суьйранна а.

И ялсамани ю Оха ирсана луш Тхан лех /Делах/ кхоьруш хиллачунна.

"Тхо охьа ца дуссухьан Кхиош-кхобучун омраца бен. Цуьнан ду вайн хьалхахь дерг а‚ вайн тIехьахь дерг а‚ оцарна юккъехь дерг а. Ца хилла хьан Кхиош-кхобург вицлуш".

Стигланийн а‚ лаьттан а‚ царна юккъехь мел долчун а Кхиош-кхобург ву иза‚ Цунна Iибадат де‚ Цунна Iибадат дарна тIехь собар а де. Хьуна вевзий Цуьнан цIерхо?

Адамоолу: "Со велча, тIаьхьа денвина аравоккхур ву?"

Ойла ца йо-те адамна Оха ша кхоьллина хилар хьалха – и хIумма ма яцара?

Хьан Кхиош-кхобучух дуй боу /Ас/‚ Оха гулбийр ма бу уьш а‚ шайтIанаш а‚ тIаккха жоьжахатина гонаха балор ма бу горабахана.

ТIаккха Оха схьавоккхур ву хIор тобанах Къинхетам болчунна дуьхьало ярца уггар чIогIа верг.

ТIаккха Тхо дика хууш ду шаьш цу чохь бāга там берш.

Шух ма вац цу чу гIуш вергбен. Хьан Кхиош-кхобучун и хилла сацам боллуш кхочушхилларг.

ТIаккха Оха кIелхьарбохур бу шаьш /Делах/ кхоьруш хилларш‚ зуламхой буьтур бу Оха цу чохь горабахана.

Шайна билгала долу Тхан аяташ дешча‚ цатешачара элира ийман диллинчаьрга: "/Вайх/ шиннах муьлха тоба ю дика бахамца‚ вовшашца цхьанакхетарца хаза?"

Мел хIаллакйина Оха царал хьалха тIаьхьенаш‚ оцарал вуно хаза йолуш хьолаца а‚ гарца а!

Ахь āла /хIай Мухьаммад/: "Милла хиллехь а тилар чохь‚ Къинхетамболчо яхйо цунна хан /балане ца лоцуш/ и шена ваIда йинарг: /дуьненан/ Iазап‚ я сахьтшен б1аьргий хьалха х1отталц – тIаккха хуур ду царна‚ мила ву вон верг меттигаца‚ уггар ледар верг эскарца.

Совбоху Дала нисбалагIертарш нийсачу некъаца. Бухаюьсуш йолу дика Iамалш тоьлу хьан Кхиош-кхобучун гергахь мēлаца‚ тоьлу духадерзор долчуьнцаа.

Хьуна гирий и Тхан аятех цатешнарг? Цоэлира: "Суна ланне а лур бу бахам а‚ доьзал а".

Къайлахдолчунна т1екхиъна- те иза, я КъинхетамболчуьнгараваIда эцна-те цо?"

ХIан-хIа! Оха яздийр ду цо бохург‚ яхйийр ю цунна Iазапан хан яхйарца.

Оха схьаоьцур ду ирсана цо бохург (цуьнан бахам а, цуьнан доьзал а и х1аллаквинчул т1аьхьа)‚ Тхуна тIе вогIур ву иза цхьа /даьхни а‚ доьзал а боцуш/.

Цара лаьцна Дела воцург /кхин/ делий‚ шайна царах сий хилархьама.

ХIан-хIа! Церан Iибадатна керстаналла дийр ду цара‚ царна мостагIий хир бу царах /къематдийнахь/.

Хьуна ца хиъна‚ Оха шайтIанаш дахийтина керстанашна тIе цара уьш луьйра къиношна тIекхойкхуш (уьш царна хаздеш)?

Сих ма ло царна. Оха царна дагардеш ду /денош/ дагардарца.

Оцу /къемат/дийнахь Оха гулбийр бу /Делах/ кхоьрурш Къинхетамболчунна тIе тIехевшина.

Оха д1алохкур бу къинош динарш жоьжахате гIаш.

ШапаIатанда хир вац ша Къинхетамболчуьнгара ваIда эцнарг а бен.

Цара элира: "Къинхетамболчо доьзалхо лаьцна /шена/"

Ирча хIума деана аш.

Стигланаш этIарна герга ду цунах‚ латта дадарна‚ лаьмнаш доьхна дегарна /герга ду/

Цара Къинхетамболчунна доьзалхо кхайкхар бахьанехь.

Там бац Къинхетам болчунна доьзалхо лāца.

Массо а стигланашкахь а‚ лаьттахь а мел верг ма вац Къинхетам болчунна тIе лай хилла вогIур волуш бен.

Цо церан хьесап дина‚ багарбина уьш багарбарца.

Уьш массо а Цунна тIе богIур бу къематдийнахь шаьш-шаьш.

Баккъалла а, ийман диллинарш а‚ дика Iамалш йинарш а – царна Къинхетамболчо безам хуьлуьйтур бу.

Баккъалла а, Оха атта дина и (Къуръан), хьанматтахь хьоьга /Делах/ кхоьручарна цуьнца кхаъ баккхийта‚ луьрачу къомана цуьнца кхерам тасийта.

Мел хIаллакйина Оха царал хьалха тIаьхьенаш! Хаалой хьуна царах цхьа а‚ я хезий хьуна церан тата а?