15 - The Rocky Tract - Al-Ĥijr .

Алиф-лам-ра. Уьш /Делан/ жайнин а, къегинчу Къуръанан а аяташ ду.

Ма луур ду цатешначарна шаьш бусалбанаш хилла белхьара аьлла.

Бита уьш /хIума/ яа а‚ зовкх хьега а, /дахаре/ догдахаро ийманах юкъахбаха а. ТIаьхьа хуур ду царна.

Цхьа а юрт хIаллак йина ма яц Оха цунна /хIаллакъян/ хьалххе тоьхна билгала хан йолуш бен.

Цхьа а умматшена /тоьхначу/ хенал хьалхадер ма дац‚ тIаьхьадуьсур а ма дац.

Цара элира: "ХIай хьайга дагадаийтар доссош хилларг! Хьо жинехма ву!

Маликаш хIунда ца даладо ахь тхуна‚ хьуо бакълуьйчарах хиллехь?"

Маликаш ца диссадо Оха бакъдолчуьнца бен‚ тIаккха уьш /цатешаш берш Iазапах/ тIаьахьатеттинарш хир бац.

Оха боссийна и хьехам (Къуръан). Оха и Iалашбийр а бу.

Хьол хьалха а бахийтина Оха хьалхалерачийн тобанашкахь /элчанаш/.

Цхьа а элча ца веана цаьрга, цара иза сийсазвеш бен.

Иштта дуьллу Оха изакъинош деш болчеран дегнашка.

Цунах ца теша уьш. Иштта дIадахна хьалхалерачийн Iадат а.

Оха царна стиглара неI еллехьара‚ уьш буьсуш цу чухула хьалабовлуш,

Цара эр ма дара: "Тхан бIаьрса дахийна‚ тхо шайна бозбуунчалла дина нах ду".

Стиглахь гIаланашйина Оха, уьш хазйина Оха хьоьжучарна.

Массо а тIулгашца эккхошдолчу шайтIанах и1алаш а йина Оха.

Ша къайлах ладугIуш доцучух – цунна а тIаьхьаболу билгал болу седа.

Латта а даржийна Оха‚ цунна т1ехь чIогIа лаьмнаш а доьг1на, цунна т1ехь далийтина Оха хIор барам бинчу хIуманах.

Оха цунна т1ехьбахам хилийтина шуна а‚ аш шайна рицкъ ца луш хиллачарна а /аккхарой, олхазарш.../

Цхьа а хIума яц Тхоьгахь шен хазна йолуш бен‚ Оха и охьа ца йоссайо хууш болчу барамца а бен.

Оха дахийтина ялта хьоькъуьйту мехаш‚ стиглара хи доссийна Оха – и малийна Оха шуна – шу дац и /дIадиллина/ латтош.

Баккъалла а, Оха ден а до‚ Оха дала а долуьйту‚ Тхо ду верасаш.

Шух хьалха д1абевлларша бевзина Тхуна, тIаьхьабуьсуберш а бевзина.

Баккъалла а, хьан Кхиош-Кхобург – И ву-кх уьш гулбийр болуш. Баккъалла а, Иза хьукамеверг а /Шен гIуллакх дарехь/‚ хууш верг а ву /Шен халкъехь дерг/.

Оха адам кхоьллира бекъачу (зевнечу), т1едачу поппарх, (басца а, хьожанца а) хийцалучу.

Жинашкхоьллира Оха кхин а /Āдамал/ хьалха т1ех йовхачу цIарах.

Хаийта: хьан Кхиош-Кхобучо маликашка аьллера: "Со воллу адам кхолла бекъачу (зевнечу), т1едачу поппарх, (басца а, хьожанца а) хийцалучу.

Ас и нисдича‚ Сайн сих цунна чу са а диллича, шу иэгалаш цунна сужуде".

Маликаша массара а сужуд дира.

Иблис доцчо – и дуьхьалделира сужуд дечаьрца хила.

Цо (Дала) элира: "Х1ай Иблис, хьуна хIун ду сужуд дечаьрца ца хила?"

Цо (Иблисо) элира: "Со хила ца дог1у адамна сужуд деш‚ Ахь ша кхоьллина долчу бекъачу (зевнечу), т1едачу поппарх, (басца а, хьожанца а) хийцалучу».

Цо (Дала) элира: "Арадала цу /ялсаманин/ чуьра! Хьо тIулгаш детташ эккхо дезаргду.

Хьуна тIехь неIалт ду бекхаман декхаччалц".

Цо (Иблисо) элира: "Сан Кхиош-Кхобург‚ тIаьхьататтасо уьш денбийр болчу дийне кхаччалц".

Цо (Дала) элира: "Баккъалла а, хьо (даларх) тIаьхьатеттинчарах ду.

Хууш йолчу хенан детIекхаччалц".

Цо элира: "Сан Кхиош-Кхобург‚ Ахь со тилорна‚ ас хаздийр ма ду царна (Адаман т1аьхьенна) лаьттахь дерг /къинош дар/‚ ас тилор ма бу уьш берриге а

Царах Хьан къастийна леш боцурш".

Цо (Дала) элира: "ХIара бу Суна тIебог1у нийса некъ.

Баккъалла а, Сан леш – царна тIехь бакъо яц хьан! Тилабеллачарах хьайна тIаьхьахIиттинчарна тIехь бен.

Баккъалла а, жоьжахати ю-кх царна массарна хин йолу (къастийна) меттиг.

Цуьнан ворхI неI ю‚ хIор неIарна царахкъастийна дāкъа ду / чу баха/.

Баккъалла а, /Делах/ кхоьруш берш – бошмашкахь а‚ шовданашкахь а хир бу".

"ЧугIо цу (ялсамане) чу саламца‚ кхерам боцуш!"

Церан дегнашкахь йолу къизалла дIаяьккхира Оха‚ вежарий хилла‚ меттанашна тIехь вовшашна дуьхь-дуьхьал бирзина /хир бу уьш/.

Царах хьакхалур яц цу чохь хало‚ уьш цу чуьра ара а бохур бац.

Д1ахаийта Сан лешка: "Баккъалла а, Со т1ех гечдийриг а ву‚ къинхетам бийриг а ву.

Сан Iазап – иза лазош долу Iазап ду".

Дийца царна ИбрахIиман хьешах /лаьцна/:

И волчу баьхкира уьш‚ элира: "Маршалла". Цо (ИбрахIима) элира: "Баккъалла а, тхо шух кхоьруш ду".

Цара элира: "Ма кхера. Оха хьуна кхаъ боккху кхетаме хир волчу кIантаца".

Цо элира: "Аш суна кхаъ баьккхина, со къаналло схьалаьцча? Стенца кхаъ боккху аш?"

Цара элира: "Бакъдолчуьнца кхаъ баьккхина Оха хьоьга‚ догдиллинчарах ма хилалахь".

Цо элира: "Муьлш бу ткъа шайн Кхиош-Кхобучун къинхетамах дог дуьллу берш, шаьш тилабелларшбен? "

Элира /ИбрахIима маликашка/: "ХIун ду шун гIуллакх‚ хIай дахкийтинарш? (Х1ун г1уллакх дахьаш дахкийтина шу Дала?"

Цара элира: "Тхо дахкийтина къинош дечу нахана тIе /царна 1азап дан/,

ЛутIан доьзал боцург – уьш берриге а Оха к1елхьарбохур болуш бу,

Цуьнан цхьа зуда йоцург. Оха кхиэл йина: и бухабуьсучарах(х1аллакбен болчарах хир) ю".

И бахкийтинарш ЛутIан нахана (Лут1 пайхамарна) тIе баьхкича,

Цо (ЛутIас) элира: "Баккъалла а, шу (суна) ца девза нах ду-кх".

Цара элира: "Амма, тхо хьо волчу даьхкина уьшшайн шеко хиллачуьнца.

Тхо даьхкина хьо волчу бакъдолчуьнца – баккъалла а, тхо бакълуьйш дерш ма ду.

ДIагIуо хьайн доьзалца буьйсанах цхьа дакъа даьлча‚ хьо а гIуо царна тIаьххье. Цхьа а юха ма хьожийла шух /зуламхошна ден долу 1азап шайна ца гархьама и гинчунна а шена и ца хилийтархьама/‚ шайга омра динчудIагIуо".

И гIуллакх (Тхешан кхиэл) цунна (Лут1ина) д1ахаийтира Оха: хIокхеран тIаьхье хадор йолуш ю Iуьйренга бовларца (уьш берриге а х1аллакбийр болуш бу 1уьйранна).

ГIалара нах баьхкира баккхийбеш.

Цо (ЛутIас) элира: "ХIорш сан хьеший бу‚ со сийсаза ма велаш.

Делах кхералаш‚ со юьхьIаьржа ма хIоттавелаш".

Цара элира:"Оха бехкам бина бацара хьуна массо а нахах /хийра нах т1е ма лаца, аьлла ?".

Цо элира: "Х1орш сан йо1арий бу шуна‚ шу /боьханиг/ ца деш ца Iахь /уьш балабейш шайна, сан хьеший а битий".

Хьан дахарора /хIай пайхамар/‚ баккъалла а, уьш шайн бехна хиларехь дIай-схьай уьйдуш ма бу.

Малх кхеташ, цIогIано схьалецира уьш (ч1ог1ачу г1овг1ано х1аллакбира уьш).

Цуьнан лакхенах лахе йираОха‚ царна тIе дагийначу лаьттан тIулгаш /дог1а санна/ делхийтира Оха.

Баккъалла а, цу чохь делилаш ма ду, ойла еш, хьоьжучарна.

Баккъалла а, има ю /нийсса Маккара Шама боьдучу/ новкъахь.

Баккъалла а, цу чохь (Лут1ин къам х1аллакдарехь) делил ма ду муъмин нахана.

Айкатанбахархой ма хилира зуламхой.

Царна бекхам бира Оха‚ баккъалла а, и шиъбилгалчу меттигехь ма ю.

Хьижранбахархоша а харц ма бира элчанаш.

Оха Тхешан аяташ далийра царна‚ ткъа уьш царах дIабоьрзуш хуьлура.

Уьш хилла, лаьмнащ огуш, цIенош деш, шаьш кхерамазаллехь а болуш /царна чохь баха/.

Ц1ог1ано схьалецира уьш, Iуьйренга бовлуш.

Шайна карадеш хиллачо уьш к1елхьара ца бехира /Делан 1азапах/.

Оха ца кхоьллина стигланаш а‚ латта а‚ царна юккъехь мел дерг а бакъдолчуьнца бен. Сахьт/шеко йоццуш/ догIур долуш ду. Хьо хазачу кепара къинт1еравалалахь /царна/.

Баккъалла а, хьан Кхиош-Кхобург вухууш волу /дерриге а/ кхоллархо.

Оха делира хьоьга кест-кеста далочарах ворхI/аят/ а‚ сийлахь-деза долу Къуръан а.

Хьайн бIаьргаш ма хьежабе Оха царах (кериста нахах) тайп-тайпана болчарна деллачу ни1маташка‚ царна тIехь са а ма гатта де‚ хьайн /къинхетаман/ тIам т1етовжабе муъмин нахана.

Ахь āла: "Баккъалла а, со билггал волу кхерамчаву".

Оха /хоьга/ доссийна /Къуръан, хIай Мухьаммад, жайнаш диссорах/ терра /дин/ доькъучаьрга.

Ишттанаш бу уьш шаьш Дешарх (Къуръанах) дāкъош дина болу.

Хьан Кхиош-кхобучу Делора, Оха хаттаза дуьтур ма дац цаьрга массаьрга а

Цара шаьш деш хиллачух.

ДIакхайкхаде /хозуьйтуш/ хьайга омра динарг‚ /Делаца/ накъост лоцучарах дIаверза.

Баккъалла а, Оха к1елхьарваьккхира хьо /хьох/ кхаьрдачарах‚

Шаьш Делаца кхин дела а хуьлуьйтуш болчу. Кеста хуур ду царна /шаьш деш хиллачун жам1/.

Тхо хууш ду хьан дог 1аьвдаш хилар цара /мушрикунаша хьан динах лаьцна/ дуьйцучух.

Тасбихь де хьайн Кхиош-Кхобучунна хастамбарца‚ сужуд дечарах хила.

Хьайн Кхиош-Кхобучунна Iибадат де хьайга бакъдерг кхаччалц.