Yaratgan Robbing nomi bilan o`qi.

U insonni alaqdan yaratdi.

O`qi! Robbing Karamlilarning karamlisidir.

U, qalam bilan ilm o`rgatgandir.

U, insonga bilmagan narsasini o`rgatdi.

Yo`q! Inson, albatta, tug`yonga ketur.

Gar o`zini boy ko`rsa.

Albatta, qaytib borish Robbinggadir.

Qaytarganni ko`rdingmi?!

Bandani namoz o`qiyotganida?!

Ayting-chi, agar o`sha hidoyatda bo`lsa.

Yoki taqvoga chaqirsa.

Ayting-chi, agar u yolg`onga chiqarsa va yuz o`girsa.

Alloh uni ko`rib turishini bilmasmi?

Yo`q! Agar qaytmasa, peshonasidan shiddat-la tutamiz!

Yolg`onchi, xatokor peshonasidan!

Bas, u o`z to`pini chaqirsin.

Biz ham zaboniyalarni chaqirurmiz.

Yo`q! Sen unga itoat qilma! Sajda qil va qurbat hosil qil.