59 - The Exile - Al-Ĥashr .

Тасбахь дина Далла стигланашкахь мел долчо а‚ лаьттахь мел долчо а. Иза веза верг а ву‚ хьукам /нийса/ деш верг а ву.

Иза ву Ша арабаьхнарг жайнан охIлах цатешнаршхьалхарчу дIалахкарехь. Шуна ца моьттура уьш арабовлур бу. Царна моьттура шайн /тIеман/ гIопаша лардийр ду шаьш Делах. Дела т1екхиарацарна шайна дага а ца догIучухула. Церан дегнашка кхерам тесира Цо − дохадеш шайн цIенош шайн куьйгашца а‚ муъмин нехан куьйгашца а. Хьехам хилийта шайна цунах‚ хIай бIаьрсадерш!

Дала царна ца яздинехьара махкара арабахар, Iазап дина хир дара царна дуьненахь. Царна эхартахь а цIеран Iазап ду.

Иза ду цара дуьхьало ярна Далла а‚ Делан элчанна а. Милла велахь Далла дуьхьало еш верг − баккъалла а, Дела ч1ог1а ву-кх таIзар дарехь.

Аш хадийна долу хурманан дитт‚ я дитина дерг шен орамий тIехь− Делан пурбанца ду‚ песакх нах сийсазбарна а.

Дала Шен элчанна /аш т1ом ца беш / елла цаьргарахIонс− шуна ца кхийтира цунна тIаьхьа лахка говраш а‚ эмкалш а‚ амма Дала ло урхалла Шен элчанашка Шена луучунна тIехь. Дела массо а хIуманна тIехь ницкъ кхочуш ву.

Дала Шен элчанна яртийн нахерасхьаяьккхина елла хIонс ю Далла‚ Цуьнан элчанна‚ /пайхамаран/ гергарчарна‚ боберашна‚ мискачарна‚ некъахочунна шух хьал долчу нехан долахь ца хилийтархьама. Элчано деънарг схьаэца‚ цо ца магийнарг дита: Делах кхералаш. Баккъалла а, и Дела чIогIа ву-кх таIзар дарехь.

МухIажирийн пекъар нахана а /ю и хIонс/‚ шайн цIенойх а‚ бахамах а арабехна хилла болчу‚ цара Делера къинхетам а, резалла а лахарна‚ Далла а‚ Цуьнан элчанна а гIо дарна. Уьш бу бакъберш.

Царалхьалха шайн цIенош хилларш‚ иймана чохь чIагIбелларш- безаш бу шайна тIе баьхкинарш‚ царна ца карайо шайн дегнашкахь /мухIажиршнаеллачу хIонс бахьанехь/ хьагI‚ шайл а уьш совбоху цара, шайгахь пекъаралла хиллехь а. Шен дегI бIаьрмецигаллах лардинарг − уьш бу-кх баккхийбедар берш.

Царал тIаьхьа баьхкинарш а, олуш: "Веза Дела‚ гечделахь тхуна а‚ ийманца тхол хьалхабевллачу тхан вежаршна а‚ ма хилийталахь тхан дегнашкахь ийман диллинчаьрга цабезам. Веза Дела‚ баккъалла а, Хьо ву-кх /тхуна/ къинтIерволург а, къинхетаме верг а" /хьакъ бу шайна х1онсах дакъа кхача/.

Хьуна гирий и мунепакъ нах, шаьш олуш жайнан охIлах ца тешаш хиллачу шайн вежаршка: "Шу арадаьхна хиллехьара‚ даннē а тхо а арадовлур дара шуьца. Шуна дуьхьал цхьанна а цкъа а муьтIахь хир дацара тхо. Шуьца тIом бинехьара − шуна даннē а гIо дийр ма дара оха". Дала тешалла до‚ баккъалла а, уьш харцлуьйш ма бу‚ аьлла.

Уьш арабаьхча‚ цаьрца арабовлур а ма бацара уьш. Цаьрца тIом бийча − царна гIо дийр ма дацара цара. Цара царна гIо дийчи а, юхбовлур ма бара уьш (бовдур ма бара уьш)‚ тIаккха /церан/ гIо царна хир ма дацара.

Шу ма ду церан дегнашкахь Делал а тIех кхераме. Иза уьш кхетам боцу къам долу дела ду.

Цара шуьца тIом бийр бац массара а цхьана чIагIйина ярташкахь бен я пений тIехьахь бен. Церан ницкъ вовшийн юккъехь чIогIа бу. Хьуна моьтту уьш цхьана бу. Церан дегнаш декъаделла ду. Иза − уьш хьекъал доцу къам долу дела ду.

Дукха хан йоццуш шайл хьалха хиллачарах тера бу уьш: шайн гIуллакхан бāла Iевшира цара. Царна хир ду лазош долу Iазап а /эхартахь/.

ШайтIанах тера бу уьш, ша аьллачу адаме: "/Делах/ цатешарг хила!" Иза /Делах/ цатешарг хилча, цо элира: "Баккъалла а, со цIени ду хьох. Баккъалла а, со кхоьру Делах − Iаламийн Дех!"

Цу шиннан (мунепикъийн а, жугтийн динан цатешачеран а) тIаьхье хилира и шиъ жоьжахатехь хилар‚ цу чохь гуттар а лаьтташ. Иза бу зуламхойн бекхам.

ХIай ийман диллинарш! Делах кхералаш. Хьожийла са‚ ша хIун кечдина-те кханенна. Шу кхералаш Делах. Баккъалла а, Дела сов дика хууш ву аш дийриг.

Шу ма хилалаш Дела вицвинчарах тера - тIаккха Цо бицбайтира цаьрга шаьш а. Уьш песакъ нах бу.

Цхьатерра бац жоьжахатин дай а‚ ялсаманин дай а. Ялсаманин дай − уьш бу тоьлларш!

Оха хIара Къуръан доссийна хиллехьара ламане, хьуна гур ма бара иза д1атебелла баьдда Делах кхерабаларна. ХIара масалш Оха дāладо нахана, цара ойла яхьара аьлла.

Иза АллахI (цхьа Дела) ву‚ кхин дела вац Иза воцург. Хьуламехь дерг а‚ гучахь дерг а хуург ву Иза. Иза сов къинхетаме верг а‚ къинхетамеверг а ву.

Иза АллахI ву‚ кхин дела вац Иза воцург. Паччахь ву Иза‚ /массо а боьхачу, кхоьллинчу сибатех, кхачамбацарех/ ц1ена верг ву‚ /Шен халкъана/ машар /луш/ верг ву‚ /Шен элчанашка цаьргахула Шен му1жизаташ гучудахарца нахе/ ийман дуьллуьйтуш верг ву‚ /массо а х1ума/1алашдийриг ву‚ веза верг ву‚ нуьцкъала верг ву‚ /вāла хьакъ долуш/ кура вергву. ЦIена ву Иза /Шеца/ цара накъост лацарх.

Иза АллахI ву‚ Кхоллархо ву Иза‚ йоцучуьра хIуманаш хуьлуьйтург а ву Иза, сурт хIоттош верг а ву /Ша кхуллучу х1уманан/. Цуьнан хаза цIерш а ю. Цунна тасбахь деш ду стигланашкахь мел дерг а‚ лаьттахь мел дерг а. Иза веза верг а ву‚ хьукам /нийса/ деш верг а ву.