69 - The Reality - Al-Ĥāqqah
ߤߋ߫ ߕߌ߯ߕߌ߯ߦߕߊ߫ ( ߘߐߛߊ߬ߓߊߟߌ )߹.
ߡߋ߬ߘߋ ߕߌ߯ߕߌ߯ߦߕߊ߫ ( ߘߐߛߊ߬ߓߊߟߌ ) ߘߌ߫؟
ߡߎ߲߬ ߞߵߌ ߟߊߟߐ߲ߠߌ߲߫ ߕߌ߯ߕߌ߯ߦߕߊ߫ ( ߜߋ߲ߜߋ߲ߦߕߊ) ߟߊ߫.
ߛߊ߬ߡߎߘߊ ߟߎ߬ ߣߌ߫ ߊ߯ߘߌ ߟߎ߫ ߞߊ߬ ߖߛߎ߬ ߞߟߎ߬ߟߊ ߡߊߛߐ߬ߛߐ߬.
ߡߍ߲ ߦߋ߫ ߛߊ߬ߡߎ߯ߘߊ ߟߎ߬ ߘߌ߫ ߸ ߏ߬ ߟߎ߬ ߛߌߟߊߛߊ߬ߘߊ߫ (ߛߊ߬ߝߍ߬ ߞߊ߲߫) ߘߊ߲߬ߠߊߕߊ߬ߡߌ߲߬ߣߍ߲ ߠߋ߬ ߟߊ߫.
ߡߍ߲ ߦߋ߫ ߊ߯ߘߌ ߟߎ߬ ߘߌ߫ ߸ ߏ߬ ߟߎ߬ ߛߌߟߊߛߊ߬ ߘߊ߫ ߝߢߐ߫ ߞߊ߲߫ ߜߍߟߍ߲߫ ߝߊ߲߬ߞߊ߬ߡߊ ߟߋ߬ ߟߊ߫.
ߏ߬ ߟߋ ߗߋ߫ ߘߴߏ߬ ߟߎ߬ ߞߊ߲ߡߊ߬ ߛߎ߫ ߥߐߙߐ߲ߥߌ߬ߟߊ߬ ߣߌ߫ ߕߟߋ߬ ߛߋߦߌ߲߫ ߞߘߐ߫ ߝߙߍߕߍߕߍ߫ ، ߝߏ߫ ߌ ߘߌ߫ ߡߌ߬ߙߌ߲߬ߘߌ ߓߋ߬ߓߋ߬ߣߍ߲ ߦߋ߫ ߝߢߐ ߘߐ߫ ߸ ߦߏ߫ ߕߡߊߙߏ߫ ߜߎ߲ ߠߎ߬ ߟߊߥߟߏߥߟߏߣߍ߲ ߠߎ߫ ߟߋ߬.
ߦߊ߯ߟߊ߫ ߌ ߞߵߊ߬ߟߋ߬ ߏ߬ ߟߎ߫ ߕߐ߬ ߦߋ߫ ߓߊ߬؟.
ߝߋߙߊߥߎ߲߫ ߸ ߊ߬ ߣߴߊ߬ ߢߍߓߊ߮ ߟߎ߬ ߣߌ߫ ߘߎ߰ߦߟߍߡߊ߲ ߘߏ߲߬ߞߏ ߟߎ߫ ߣߊ߬ ߘߊ߫ ߝߎ߬ߕߎ߲߬ߕߌ߬ ߞߏ ߟߎ߬ ߘߌ߫.
ߏ߬ ߟߎ߫ ߞߵߊ߬ߟߎ߫ ߡߊ߰ߙߌ ߟߊ߫ ߞߋߟߊ ߛߐ߬ߛߐ߬ ، ߏ߬ ߝߣߊ߫ ߞߵߊ߬ߟߎ߬ ߕߍ߯ߕߊ߬ ߕߍ߯ߕߊߟߌ ߥߓߊ߬ ߞߏ߬ ߞߍ ߟߊ߫.
ߒ߬ߓߎ߬ ߞߏ߬ߣߌ߲߬ ߸ ߖߌ ߘߊ߲߬ߠߊߕߊ߬ߡߌ߲߬ߣߍ߲ ߞߊ߬ ߝߐ߬ߝߐ ߓߐ߫ ߸ ߊ߲ ߞߵߊߟߎ߫ ߕߊ߬ ߞߎߟߎ߲ ߘߐ߫.
ߛߴߊ߲ ߘߴߏ߬ ߞߍ߫ ߊߟߎ߫ ߦߋ߫ ߕߊ߰ߛߌ߬ ߞߏ߫ ߘߌ߫ ߸ ߊ߬ ߣߌ߫ ߛߊ߫ ߕߟߏ߫ ߕߊ߲߬ߞߊ߬ߟߌ߬ߟߊ ߘߴߊ߬ ߕߊ߲߬ߞߊ߬.
ߒ߬ߓߊ߬ ߣߌ߫ ߓߘߎ ߝߍ߫ ߘߊ߫ ߕߎ߬ߡߊ ߡߍ߲ ߸ ߝߍߟߌ߫ ߞߏ߫ ߞߋߟߋ߲߫ ߔߋ߫ ߟߊ߫.
ߊ߬ ߣߌ߫ ߞߊ߬ ߘߎ߱ ߣߌ߫ ߞߎ߬ߙߎ ߟߎ߫ ߕߊ߬ ߢߍ߲ߞߍߘߍ߲߫ ߸ ߞߵߊ߬ߟߎ߬ ߡߐߢߐ߲ߞߐ߫ ߡߐߢߐ߲ߞߐߟߌ߫ ߞߋߟߋ߲߫ ߔߋ߫ ߘߌ߫.
ߒ߬ߓߊ߬ ߏ߬ ߟߏ߲ ߠߋ߬ ߸ ߞߏ߫ ߞߍߕߊ ߘߌ߫ ߞߍ߫.
ߊ߬ ߣߌ߫ ߛߊ߲ ߘߌ߫ ߝߙߊ߫ ߝߊߥߎ߲߫ ، ߊ߬ ߝߙߊ߫ ߘߌߡߊ߲߫ ߠߋ߬ ߏ߬ ߟߏ߲ ߘߋ߬.
ߡߟߍ߬ߞߊ ߟߎ߬ ߘߌ߫ ߞߍ߫ ߊ߬ ߝߊ߲߭ ߠߎ߬ ߘߐ߫ ، ߊ߬ߟߎ߫ ߛߌ߰ ߛߋߦߌ߲߫ ߘߴߌ ߡߊ߰ߙߌ ߟߊ߫ ߛߍ߬ߡߍ ߕߵߊ߬ߟߎ߫ ߞߎ߲߬ߘߐ߫ ߏ߬ ߟߏ߲.
ߏ߬ ߟߏ߲ ߸ ߊߟߎ߫ ߘߌ߫ ߛߙߊߓߐ߫ ߜߍ ߘߐ߫ ߥߛߊߞߙߊ߫ ، ߊߟߎ߫ ߟߊ߫ ߞߏ߫ ߛߌ߫ ߕߍ߫ ߕߏ߫ ߘߏ߲߰ ߘߐ߫.
ߒ߬ߓߊ߬ ߣߌ߫ ߡߍ߲ ߠߊ߫ ߟߍߙߊ ߘߌ߫ ߘߴߊ߬ ߡߵߊ߬ ߞߌߣߌ߲ ߝߍ߬ ߛߊ߫ ߸ ߏ߬ ߘߴߊ߬ ߝߐ߫ ߞߏ߫ ߊߟߎ߫ ߣߊ߬ ߒ ߠߊ߫ ߟߍߙߊ ߞߊ߬ߙߊ߲߬ ߞߟߋ߫.
ߖߊ߯ߕߋ߬ ߸ ߒߠߋ ( ߕߎ߲߬ ) ߞߵߊ߬ ߖߌ߰ ߸ ߒ ߞߏ߫ ߒ ߘߌ߫ ߒ ߠߊ߫ ߖߊ߬ߕߋ߬ߓߐ ( ߣߌ߲߬ ) ߓߍ߲߬ߢߐ߲߰ߦߊ߬ ߖߐ߫.
ߒ߬ߓߊ߬ ߏ߬ ߕߌ߱ ߦߋ߫ ߘߌ߬ߢߍ߬ߡߊ߬ ߓߊߟߏ߫ ߦߟߌߡߊ߫ ߟߋ߬ ߘߐ߫.
ߣߊߞߐ߫ ߞߘߐߕߊ߬ߣߍ߲ ߘߐ߫.
ߏ߬ ߦߙߌߘߋ߲ ߠߎ߬ ߞߊߘߌ߫ ߟߊ߫ ߘߎ߲߬ߘߊ ߟߋ߬ ߟߊ߫.
ߞߏ߫ ߊߟߎ߫ ߘߊߥߎ߲ߠߌ߲ ߞߍ߫ ߞߵߊߟߎ߫ ߡߌ߲߬ ߣߐ߰ߦߊ ߘߐ߫ ߸ ߞߊ߬ߡߊߛߐ߬ߘߐ߲߬ ߊߟߎ߫ ߟߊ߫ ߓߊ߯ߙߊ߫ ߞߍߣߍ߲ ߠߎ߫ ߝߍ߬ ߟߏ߲߫ ߕߊ߬ߡߌ߲߬ߣߍ߲ ߠߎ߬ ߘߐ߫.
ߒ߬ߓߊ߬ ߣߌ߫ ߡߍ߲ ߠߋ߬ ߟߊ߫ ߟߍߙߊ ߘߌ߫ ߘߴߊ߬ ߡߵߊ߬ ߡߊ߬ߙߊ߲ ߝߍ߬ ߛߊ߫ ߸ ߏ߬ ߘߴߊ߬ ߝߐ߫ ߞߏ߫ ߥߊߦߌߞߊ߬ ߸ ߥߟߊߞߏ߫ ߒ ߠߊ߫ ߟߍߙߊ ߕߎ߲߬ ߞߊߣߊ߬ ߘߌ߫ ߒ ߡߊ߬.
ߊ߬ ߣߌ߫ ߒ ߕߎ߲߬ ߞߊߣߵߊ߬ ߟߐ߲߫ ߡߍ߲ ߦߋ߫ ߒ ߠߊ߫ ߖߊ߬ߕߋ߬ߓߐ ߘߌ߫.
ߥߟߊߞߏ߫ ߛߊ߬ߦߊ ߕߘߍ߬ ߦߋ߫ ߕߏ߫ ߊ߬ ߡߊ߬ ߛߍߣߍ߲߬.
ߒ ߠߊ߫ ߣߊ߲߬ߝߟߏ ߡߊ߫ ߝߏߦߌ߫ ߢߊ߬ ߒ ߡߊ߬ ߡߎ߬ߕߎ߲߬.
ߘߊ߬ߟߎ ߓߍ߯ ߓߘߊ߫ ߕߌߢߍ߫ ߒ ߡߊ߬.
ߞߏ߫ ߊߟߎ߫ ߦߴߏ߬ ߡߌ߬ߘߊ߫ ߞߵߊ߬ ߞߏߟߏ߲ߜߊ߲ߧߊ߫.
ߊߟߎ߫ ߓߊ߲߫ ߞߵߊ߬ ߟߊߘߏ߲߬ ߥߋ߲߯ߓߋ ߘߐ߫.
ߊߟߎ߫ ߓߊ߲߫ ߞߵߊ߬ ߟߊߘߏ߲߬ ߖߟߐ߬ߞߐ߫ ߘߐ߫ ߸ ߡߍ߲ ߖߊ߲߬ߧߊ ߦߋ߫ ߣߐ߲߬ߞߐ߲ ߢߊ߫ ߓߌߥߐߙߐ߲ߥߌ߬ߟߊ߬ ߘߌ߫.
ߓߊߏ߬ ߊ߬ ߕߘߍ߬ ߡߊ߫ ߘߍ߲߬ߞߣߍ߬ߦߴߊߟߓߊ߫ ߡߊ߬.
ߊ߬ ߘߏ߲߬ ߕߎ߲߬ ߕߍ߫ ߘߐ߬ߛߎ߬ߟߌ߫ ߞߍ߫ ߟߊ߫ ߘߐ߰ߕߐ ߘߡߊߢߌߣߌ߲ ߡߊ߬.
ߏ߬ ߘߐ߫ ߸ ߓߊߘߋ߲ߡߊ߫ ߛߎߘߎ߲߫ ߕߍ߫ ߊ߬ ߟߊ߫ ߦߊ߲߬ ߓߌ߬.
ߛߎ߬ߡߊ߲߬ ߝߣߊ߫ ߕߍ߫ ߝߏ߫ ߡߍ߲ ߓߐߣߍ߲߫ ߖߋ߬ߟߌ߬ ߞߐߟߐ߲ߞߐߟߐ߲ ߘߐ߫.
ߡߐ߰ ߛߌ߫ ߘߏ߲߬ ߕߴߏ߬ ߘߊߥߎ߲߫ ߝߎ߬ߕߎ߲߬ߕߌ߬ߟߊ ߟߎ߬ ߞߐ߫.
ߍ߲߬ߍ߲ߍ߲߬ ߸ ߒ ߧߋ߫ ߒ ߞߊ߬ߟߌ߬ ߟߊ߫ ߟߋ߬ ߊߟߎ߫ ߦߋߟߌ߫ ߞߏ ߟߎ߬ ߟߊ߫.
ߊ߬ ߣߴߊߟߎ߫ ߦߋߓߊߟߌߦߊ߫ ߞߏ ߟߎ߬ ߟߊ߫.
ߒ ߞߏ߫ ߖߊ߯ߕߋ߬ ߸ ‹ ߞߎ߬ߙߊ߬ߣߊ › ߦߋ߫ ߞߋߟߊߘߋ߲߫ ߞߊ߬ߡߙߊ߬ߒߞߋ ߟߊ߫ ߟߊ߬ߛߋ߬ߟߌ߬ ߞߊ߲ ߠߋ߬ ߘߌ߫.
ߝߋߎ߫ ߸ ߊ߬ ߕߍ߫ ߛߞߎ߬ߦߟߊ߬ ߞߎߡߊ߫ ߞߊ߲߫ ߘߌ߫ ، ߒ߬ߞߵߊߟߎ߫ ߘߍ߲߬ߞߣߍ߬ߦߊ߬ ߞߏ ߕߜߋ߫ ߟߋ߫ ߘߋ߬.
ߊ߬ ߘߏ߲߬ ߕߍ߫ ߓߟߏߟߊߝߍߣߍ߲ߠߊ߫ ߞߎߡߊ߫ ߞߊ߲߫ ߘߌ߫ ، ߒ߬ߞߵߊߟߎ߫ ߕߊ߰ߛߌ߬ ߞߏ ߕߜߋ߫ ߓߍ߫.
ߟߊ߬ߖߌ߰ߟߌ ߝߘߊߣߍ߲߫ ߖߊ߯ߓߊ ߟߎ߫ ߡߊ߰ߙߌ ߟߋ߬ ߟߊ߫.
ߣߌ߫ ‹ ߞߋߟߊ › ߕߎ߲߬ ߞߊ߬ ߞߎߡߊ ߘߏ߫ ߞߎ߲߬ߘߐߕߍ߰ ߞߵߏ߬ ߟߊ߫ ߒ߬ߠߎ߬ ߟߊ߫.
ߊ߲ ߕߎ߲߬ ߘߴߊ߬ ߕߍ߯ߕߊ߬ ߝߊ߲߬ߞߊ ߟߊ߫ ߏ߬ ߘߐ߫.
ߏ߬ ߞߐ߫ ߸ ߊ߲ ߕߘߍ߬ ߘߴߊ߬ ߣߊ߬ߝߏ߬ߟߏ߲߬ߓߊ ߕߍ߰ ߜߊߘߌ߫.
ߡߐ߰ ߛߌ߫ ߘߏ߲߬ ߕߍ߫ ߊߟߎ߫ ߘߐ߫ ߞߵߏ߬ ߞߎ߬ߡߊ߲߬ߘߌ߫ ߊ߬ ߡߊ߬.
‹ ߞߎ߬ߙߊ߬ߣߊ › ߘߏ߲߬ ߦߋ߫ ߕߊ߰ߛߌ߬ ߞߏ߫ ߟߋ߬ ߘߌ߫ ߝߊ߲ߕߊ߲ߞߟߊ ߟߎ߬ ߦߋ߫.
ߊ߲ߠߎ߫ ߘߏ߲߬ ߞߵߊ߬ ߟߐ߲߫ ߛߋߚߋ߫ ߸ ߒ ߞߏ߫ ߡߊ߬ߛߐ߬ߛߐ߬ߟߌ߬ߟߊ ߟߎ߬ ߦߴߊߟߎ߫ ߘߐ߫.
ߞߏ߬ߣߵߊ߬ ߘߌߣߊ߬ ߞߍ߫ ߕߌ߲߬ߞߊ߬ߟߐ߲ ߘߌ߫ ߓߊ߲߬ߓߊ߮ ߟߎ߫ ߞߊ߲߬ ߞߟߋ߫.
ߓߊߏ߬ ߘߍ߲߬ߞߣߍ߬ߦߊ ߕߎ߬ߢߊ߬ ( ߞߌߛߍ ) ߟߋ߬.
ߒ߬ߓߊ߬ ߌߟߋ ߌ ߕߊ ߞߴߌ ߡߊ߰ߙߌ߬ߓߊ ߕߐ߮ ߛߊߣߌ߲ߧߊ ߘߌ߫.